വർക്കർമാരുടെ ലിസ്റ്റ് റദ്ദാക്കി

ചെന്നിത്തല: ചെന്നിത്തല തൃപ്പെരുംതുറ ഗ്രാമപഞ്ചായത്തിൽ അങ്കണവാടി ജീവനക്കാരുടെ നിലവിലുള്ള ഒഴിവുകളിലെ നിയപനത്തിനായി തയ്യാറാക്കിയ ലിസ്റ്റ് ഹൈക്കോടതി റദ്ദാക്കി.
മാവേലിക്കര ഐ.സി.ഡി.എസിന്റെ കീഴിലുള്ള ചെന്നിത്തല തൃപ്പെരുംതുറ ഗ്രാമപഞ്ചായത്തിലെ 81, 84, 96, 155 അങ്കണവാടികളിലെ വർക്കർമാരുടെ ഒഴിവുകളിലേക്ക് തിരഞ്ഞെടുക്കപ്പെട്ടവരുടെ ലിസ്റ്റാണ് റദ്ദാക്കിയത്. ലിസ്റ്റ് നിയമവിരുദ്ധമായാണ് തയ്യാറാക്കിയതെന്നാരോപിച്ച്, നേരത്തെ അങ്കണവാടി ജീവനക്കാരായി ജോലി ചെയ്തിരുന്ന ചെന്നിത്തല കാരാഴ്മ കിഴക്ക് ശ്രീനിലയത്തിൽ ശ്രീദേവി, ഈഴക്കടവ് വാരോട്ടിൽ ആർ.മായാദേവി, കാരാഴ്മ കിഴക്ക് സുനിൽ ഭവനത്തിൽ അനിതാ സുനിൽ എന്നിവർ നൽകിയ ഹർജിയിലാണ് ജഡ്ജി എൻ.നാഗരേഷിന്റെ ഉത്തരവ്. ഹർജിക്കാർക്കു വേണ്ടി അഡ്വ.റിന്നി സ്റ്റീഫൻ ചാമപ്പറമ്പിൽ ഹാജരായി.