ഇന്നു മുതൽ ട്രെയിൻ ഗതാഗത നിയന്ത്രണം

തിരുവനന്തപുരം: ചെങ്ങന്നൂർ,മാവേലിക്കര,കടയ്ക്കാവൂർ,വർക്കല,നാഗർകോവിൽ,കരുനാഗപ്പള്ളി,ശാസ്താംകോട്ട എന്നിവിടങ്ങളിലെ ട്രാക്ക് നന്നാക്കൽ കണക്കിലെടുത്ത് ഇന്നുമുതൽ ട്രെയിൻ ഗതാഗത നിയന്ത്രണം ഏർപ്പെടുത്തി. ഇതുപ്രകാരം എറണാകുളം-കൊല്ലം മെമു ഇന്നു മുതൽ 11വരെയും തുടർന്ന് 13,16,17,18,20,23,24,25,27,30 തീയതികളിലും കായംകുളത്ത് സർവീസ് നിറുത്തും. കൂടാതെ 21,23,24,26 തീയതികളിൽ മംഗലാപുരത്തുനിന്ന് നാഗർകോവിലിലേക്കുള്ള ഏറനാട് എക്സ്പ്രസ് കൊല്ലം വരെയും പരശുറാം തിരുവനന്തപുരംവരെയും സർവീസ് നടത്തും.ഇതിന്റെ പിറ്റേന്നുള്ള മടക്കയാത്രയും ഇതേ സ്റ്റേഷനുകളിൽ നിന്നായിരിക്കും.