കൊ​ല്ലം റെയിൽ​വേ സ്റ്റേ​ഷൻ വികസനം: കാർ പാർക്കിംഗ് ഇനി​ മൾട്ടി​ ലെവൽ!

കൊ​ല്ലം: കൊല്ലം റെയിൽവേ സ്റ്റേഷൻ അന്താരാഷ്ട്ര നിലവാരത്തിൽ വികസിപ്പിക്കാനായി മൾട്ടി ​ലെ​വൽ കാർ പാർ​ക്കിം​ഗ് കോം​പ്ല​ക്‌​സ് നിർമ്മാണ ഒരുക്കങ്ങൾ തുടങ്ങി. പൈലിംഗ് ജോലികൾ പുരോഗമിക്കുകയാണ്.

ചിന്നക്കട റെയിൽവേ ഓവർ ബ്രിഡ്ജിനോട് ചേർന്നുള്ള പഴയ കെട്ടിടങ്ങൾ പൊളിച്ചുനീക്കിയ ഭാഗത്താണ് ഭൂമി നിരപ്പാക്കി കെട്ടിട നിർമ്മാണത്തിനുള്ള പൈലിംഗ് ജോലികൾ നടക്കുന്നത്. 244 കാ​റുകൾക്ക് ഒ​രേ സ​മ​യം പാർ​ക്ക് ചെ​യ്യാൻ ക​ഴി​യും വി​ധമാണ് മൾട്ടി ​ലെ​വൽ കാർ പാർ​ക്കിം​ഗ് കോം​പ്ല​ക്‌​സ് നിർമ്മിക്കുന്നത്. ഗ്രൗ​ണ്ട് ഫ്‌​ളോർ കൂ​ടാ​തെ നാല് നി​ല​കളുള്ളതാണ് കോംപ്ളക്സ്.

27,500 സ്ക്വയർ ഫീറ്റ് വരുന്ന സർവീസ് ബിൽഡിംഗിന്റെ നിർമ്മാണവും വേഗത്തി​ൽ പുരോഗമിക്കുന്നു. രണ്ടാം ടെർമിനലിന്റെ പ്രവേശന കവാടത്തിൽ ആഴത്തിൽ മണ്ണ് നീക്കി ഫൗണ്ടേഷൻ കോൺക്രീറ്റ് ചെയ്ത് ഉയർത്തുകയായിരുന്നു. ബലക്കുറവ് കാരണമാണ് ആഴത്തിൽ മണ്ണു നീക്കി ഫൗണ്ടേഷൻ ഉറപ്പിച്ചത്. സർവീസ് ബിൽഡിംഗിന് മൂന്നു നിലകൾ ഉണ്ടാവും. നിർമ്മാണം പൂർത്തിയാകുന്നതോടെ നിലവിലെ റെയിൽവേ സ്റ്റേഷൻ കെട്ടിടത്തിലെ ഓഫീസുകൾ പുതിയ കെട്ടിടത്തിലേക്ക് മാറും. ഗാംഗ് റസ്റ്റ് റൂമിന്റെ നിർമ്മാണം തീരാറായി. സബ്സ്റ്റേഷൻ, എസ്.എസ്.സി ബിൽഡിംഗ് നിർമ്മാണ ജോലികളും ഉടൻ ആരംഭി​ക്കും. 2026 ൽ പൂർത്തി​യാക്കുകയാണ് ലക്ഷ്യം.

361 കോ​ടി ചെ​ല​വി​ലാണ് സ്റ്റേഷൻ അന്താരാഷ്ട്ര നിലവാരത്തിലേക്ക് ഉയർത്തുന്നത്. മാ​സ്റ്റർ പ്ലാ​നിന്റെ അ​ടി​സ്ഥാ​ന​ത്തിൽ ഘ​ട്ടം ഘ​ട്ട​മാ​യാ​ണ് നിർമ്മാണം. പൊതുമേഖല സ്ഥാപനമായ റെയിൽവേ ഇൻഫ്രാസ്ട്രക്ചറൽ ടെക്‌നിക്കൽ എൻജിനി​യറിംഗ് സർവീസും സിദ്ധാർത്ഥ് സിവിൽ വർക്ക്‌സ് പ്രൈവറ്റ് ലിമിറ്റഡുമാണ് നിർമ്മാണ കരാറുകാർ.

എ​യർ കോൺ​കോ​ഴ്‌​സ്

135 മീ​റ്റർ നീ​ള​ത്തിലും 36 മീ​റ്റർ വീ​തി​യിലും ര​ണ്ട് ടെർ​മി​ന​ലു​ക​ളെ​യും ബ​ന്ധി​പ്പി​ക്കു​ന്ന എ​യർ കോൺ​കോ​ഴ്‌​സാ​ണ് റെ​യിൽവേ സ്റ്റേ​ഷ​നി​ലെ ആ​കർ​ഷ​ണീ​യ നിർ​മ്മാ​ണം. 4417 ചതുരശ്ര മീ​റ്റ​റാ​ണ് വി​സ്​തീർണം. ഇ​വി​ടെ വി​പു​ല​മാ​യ വാ​ണി​ജ്യ സ​മു​ച്ച​യ​വും ഉ​ണ്ടാ​കും. പ്ലാ​റ്റ് ഫോ​മു​ക​ളെ ബ​ന്ധി​പ്പി​ക്കു​ന്ന എ​യർ കോൺ​കോ​ഴ്‌​സ് കൂ​ടാ​തെ 12 മീ​റ്റർ വീ​തി​യിൽ അഞ്ച് പ്ലാ​റ്റ്‌​ഫോ​മു​ക​ളെ​യും ബ​ന്ധി​പ്പി​ക്കു​ന്ന ഫു​ട് ഓ​വർ ബ്രി​ഡ്​ജും നിർ​മ്മി​ക്കും.