63 ഫാസ്റ്റ് ചാർജിംഗ് സ്റ്റേഷനുകൾ

തിരുവനന്തപുരം: വൈദ്യുതി വാഹനങ്ങൾക്കായി 63 ഡി.സി ഫാസ്റ്റ് ചാർജിംഗ് സ്റ്റേഷനുകളും 1169 പോൾ മൗണ്ടഡ് ചാർജിംഗ് സ്റ്റേഷനുകളും കെ.എസ്.ഇ.ബി സ്ഥാപിച്ചിട്ടുണ്ടെന്ന് മന്ത്രി കെ. കൃഷ്ണൻകുട്ടി നിയമസഭാ ചോദ്യോത്തരവേളയിൽ പറഞ്ഞു. ഇ-മൊബിലിറ്റി പ്രോത്സാഹിപ്പിക്കുന്നതിന് ഇ.വി ആക്സിലറേറ്റർ സെൽ രൂപീകരിക്കും. അനെർ‌ട്ട് മുഖേന സർക്കാർ മേഖലയിൽ ആറ് സൗരോർജ ഇ.വി ചാർജിംഗ് സ്റ്റേഷനുകൾ സ്ഥാപിച്ചിട്ടുണ്ട്. കൂടാതെ സ്വകാര്യമേഖലയിലെ ഏഴ് സൗരോർജ ചാർജിംഗ് സ്റ്റേഷനുകൾക്ക് സർക്കാർ സാമ്പത്തിക സഹായം നൽകിയിട്ടുണ്ടെന്നും കടകംപള്ളി സുരേന്ദ്രൻ,​ലിന്റോ ജോസഫ്,​കെ.എം.സച്ചിൻദേവ് എന്നിവരെ മന്ത്രി അറിയിച്ചു.