ബ്ളാക്ക് വൈബിൽ കാജൽ അഗർവാൾ

ബ്ളാക്ക് ഔട്ട് ഫിറ്റിൽ നടി കാജൽ അഗർവാൾ. അതിസുന്ദരിയായി കാജലിനെ കണ്ടതിന്റെ ആഹ്ളാദമാണ് ആരാധകർക്ക്. ജീവിതത്തിലെ അമ്മവേഷം ആസ്വദിക്കുകയാണ് കാജൽ. മകൻ നീൽ ജനിച്ചശേഷം ജീവിതം തന്നെ മാറിയെന്ന് കാജൽ പങ്കുവച്ചിട്ടുണ്ട്. ജീവിതത്തിലെ എന്റെ സ്നേഹവും ഹൃദയത്തുടിപ്പും. മകൻ നീൽ കിച്‌ലുവിനെ ആരാധകർക്കായി പരിചയപ്പെടുത്തുമ്പോൾ കാജൽ ഇങ്ങനെയാണ് കുറിച്ചത്. 2021 ഏപ്രിൽ 19നായിരുന്നു നീലിന്റെ ജനനം. 2020 ഒക്ടോബർ 30നാണ് കാജൽ അഗർവാളും ഗൗതം കിച്ച്‌ലുവും വിവാഹിതരാവുന്നത്. ഇരുവരും കുട്ടിക്കാലം മുതൽ അടുത്ത സുഹൃത്തുക്കളായിരുന്നു. വിവാഹ ശേഷവും അഭിനയത്തിൽ സജീവമായി തുടരുകയാണ് കാജൽ. ദുൽഖറിനൊപ്പം ഹേയ് സിനാമിക, ചിരഞ്ജീവിയുടെ ആചാര്യ, പ്രധാന വേഷത്തിൽ എത്തുന്ന കരുണഗാപ്പിയം എന്നിവയാണ് ഒടുവിലത്തെ റിലീസുകൾ. കമൽഹാസൻ - ഷങ്കർ ചിത്രം ഇന്ത്യൻ 2വിൽ കാജൽ ആണ് നായിക. മലയാള സിനിമയെ ഏറെ ഇഷ്ടപ്പെടുന്ന കാജൽ ഇവിടേക്കു വരാനുള്ള തയാറെടുപ്പിൽ ആണ്.