കൊച്ചി: തൃശൂർ കേരളവർമ കോളേജിൽ റീ കൗണ്ടിംഗിന് ഉത്തരവിട്ട് ഹൈക്കോടതി. എസ് എഫ് ഐ സ്ഥാനാർത്ഥിയെ വിജയിയായി പ്രഖ്യാപിച്ചത് റദ്ദാക്കി. കെ എസ് യു സ്ഥാനാർത്ഥി ശ്രീക്കുട്ടൻ നൽകിയ ഹർജിയിലാണ് ഉത്തരവ്.
ഇത് സന്തോഷം നൽകുന്ന വിധിയാണെന്ന് ശ്രീക്കുട്ടൻ പ്രതികരിച്ചു. നിലവിലുള്ള തിരഞ്ഞെടുപ്പ് ഫലം റദ്ദാക്കി കേരളവർമ കോളേജിൽ വീണ്ടും തിരഞ്ഞെടുപ്പ് നടത്തണമെന്നായിരുന്നു ഹർജിക്കാരന്റെ ആവശ്യം. തിരഞ്ഞെടുപ്പ് റദ്ദാക്കുന്നത് കോടതി അംഗീകരിച്ചിട്ടില്ല.
കോളേജ് യൂണിയൻ തിരഞ്ഞെടുപ്പില് കൗണ്ടിംഗ് പൂര്ത്തിയായപ്പോള് ഭിന്നശേഷിക്കാരനായ ശ്രീക്കുട്ടന് ഒറ്റ വോട്ടിന് വിജയിച്ചിരുന്നു. റീ കൗണ്ടിംഗിൽ എസ് എഫ് ഐ സ്ഥാനാര്ത്ഥി 11 വോട്ടുകള്ക്ക് വിജയിച്ചതായി പ്രഖ്യാപനം വന്നു. ഇടത് അദ്ധ്യാപക സംഘടനാ അനുകൂലികളുടെ പിന്തുണയോടെ തിരഞ്ഞെടുപ്പ് അട്ടിമറിക്കുകയായിരുന്നെന്നാണ് കെ എസ് യുവിന്റെ ആരോപണം. തുടർന്ന് ഹൈക്കോടതിയെ സമീപിക്കുകയായിരുന്നു.
മന്ത്രി ആര് ബിന്ദുവും കൊച്ചിന് ദേവസ്വം ബോര്ഡ് പ്രസിഡന്റും വോട്ടെണ്ണല് അട്ടിമറിക്കാന് ഇടപെട്ടെന്നും കെഎസ്യു കുറ്റപ്പെടുത്തിയിരുന്നു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |