യൂണിയൻ ബാങ്ക് ഒഫ് ഇന്ത്യ സ്ഥാപക ദിനാഘോഷം

കൊച്ചി​: യൂണിയൻ ബാങ്ക് ഒഫ് ഇന്ത്യയുടെ എറണാകുളം റീജിയണിന്റെ ആഭിമുഖ്യത്തിൽ തമ്മനം ഡിഡി റിട്രീറ്റിൽ ബാങ്കിന്റെ 105 ാം സ്ഥാപക ദിനം ആഘോഷിച്ചു. ബാങ്ക് എറണാകുളം റീജിയണൽ മാനേജർ ആർ. നാഗരാജ ഉദ്ഘാടനം ചെയ്തു.
ബാങ്കി​ന്റെ അഭി​മാനാർഹമായ സേവനം അനുസ്മരി​ക്കുന്നതി​നൊപ്പം ഉപഭോക്തൃ സേവനത്തിലേക്ക് സ്വയം സമർപ്പിക്കാനും സ്ഥാപനത്തെ കൂടുതൽ ഉയരങ്ങളിലേക്ക് നയിക്കാനും കഴി​യണമെന്ന് അദ്ദേഹം പറഞ്ഞു.
തുടർന്ന് ഉദ്യോഗസ്ഥരുടെ വിവിധ കലാ പരിപാടികൾ അരങ്ങേറി. ബാങ്കിന്റെ സെൻട്രൽ ഓഫീസിൽ നിന്ന് മാനേജിംഗ് ഡയറക്ടർ ആൻഡ് സി.ഇ.ഒഎ മണിമേഖലയുടെ പ്രസംഗം തത്സമയം സംപ്രേക്ഷണം ചെയ്തു. ഉഡാൻ, ഐ.സി​.സി​. ഡബ്്ള്യു, യൂണി പേ പ്ലസ്, കിസാൻ തത്കാൽ, സ്വനിധി എന്നീ അഞ്ച് ഉത്പന്നങ്ങൾ പുറത്തിറക്കി​.