ന്യൂഡൽഹി: അങ്കണവാടി ജീവനക്കാരുടെ വേതനം വർദ്ധിപ്പിക്കണമെന്നും ഘട്ടം ഘട്ടമായി കേന്ദ്രസർക്കാർ ക്ലാസ് ഫോർ ഉദ്യോഗസ്ഥരുടെ പദവിയിലേക്ക് ഉയർത്തി ജോലി സ്ഥിരതയും ആനുകൂല്യവും പെൻഷനും ഉറപ്പാക്കണമെന്നും എൻ.കെ.പ്രേമചന്ദ്രൻ എം.പി ലോക‌്സഭയിൽ ആവശ്യപ്പെട്ടു. പ്രതിമാസം 5,000 രൂപയിൽ താഴാത്ത പെൻഷനും നൽകണം. വർക്കർമാരുടെ കുറഞ്ഞ ശമ്പളം 25,000 രൂപയും ഹെൽപ്പർമാരുടെ ശമ്പളം 20,000വുമായി വർദ്ധിപ്പിക്കണം. ഇ.എസ്.ഐ ആനുകൂല്യവും ലഭ്യമാക്കണം. തുച്ഛമായ അലവൻസ് നൽകി സർക്കാർ ഏൽപ്പിക്കുന്ന ചുമതലകൾ അവർ നിർവഹിക്കുകയാണെന്നും അദ്ദേഹം പറഞ്ഞു.