ഓസ്‌ട്രേലിയയും ന്യൂസിലന്റും കൊടുമൺ പോറ്റി തളച്ചു

മമ്മൂട്ടി ചിത്രം ഭ്രമയുഗം ഒാസ്‌ട്രേലിയൻ ബോക്സ് ഓഫീസിലും നിറഞ്ഞാടുന്നു. വാരാന്ത്യ ഷോകൾ മിക്ക സ്ഥലങ്ങളിലും നേരത്തെ തന്നെ ഹൗസ് ഫുൾ ആകുന്നു. മലയാള സിനിമക്ക് അത്ര വലിയ സ്വീകാര്യത ലഭിക്കാത്ത ഒാസ്‌ട്രേലിയയിലും ന്യൂസിലന്റിലും ഭ്രമയുഗത്തിനു ലഭിക്കുന്ന സ്വീകാര്യത കണ്ട് ഞെട്ടിയിരിക്കുകയാണ് ഓസ്‌ട്രേലിയയിലെ ഓവർ സീസ് സിനിമ അനുബന്ധ മേഖലയിലുള്ളവർ. അമ്പതോളം തിയേറ്ററുകളിൽ ഓസ്‌ട്രേലിയയിലും പതിനേഴു തിയേറ്ററുകളിൽ ന്യൂസിലന്റിലും ചിത്രം പ്രദർശിപ്പിക്കുണ്ട്. അതേ സമയം സിനിമക്ക്‌ പിന്തുണയുമായി നിരവധി മലയാളി സംഘടനകളും പ്രസ്ഥാനങ്ങളും രംഗത്തുണ്ട്. മെൽബൺ ആസ്ഥാനമായ ഫ്ലൈ വേൾഡ് ഇന്റർനാഷണൽ , ക്യുൻസ് ലാൻഡ് ആസ്ഥാനമായ ഗോൾഡ് കോസ്റ്റ് നൈറ്റ്സ് ക്യാൻബറ ആസ്ഥാനമായ പ്രിന്റ് ആൻഡ് സൈൻ, ടാസ്മാനിയയിലെ ഹോബാർട്ട് മലയാളി അസോസിയേഷൻ, ഡാർവിനിലെ ഡാർവിൻ മലയാളി അസോസിയേഷൻ, പെർത്തിലെ പെർത് യുണൈറ്റഡ് മലയാളി അസോസിയേഷൻ,സിഡ്‌നി ആസ്ഥാനമായ മെട്രോ മലയാളം തുടങ്ങി ഒാസ്‌ട്രേലിയയിലെ മലയാളി പ്രസ്ഥാനങ്ങൾ സിനിമയുടെ പ്രചാരണത്തിൽ വലിയ പങ്ക് വഹിച്ചെന്ന് മമ്മൂട്ടി ഫാൻസ്‌ ആൻഡ് വെൽഫെയർ അസോസിയേഷൻ ഇന്റാർനാഷണൽ ഒാസ്‌ട്രേലിയ പ്രസിഡന്റ് മദനൻ ചെല്ലപ്പൻ പറഞ്ഞു സതേൺ സ്റ്റാർ ഇന്റർനാഷണൽ ആണ് ചിത്രം ഓസ്‌ട്രേലിയയിലും ന്യൂസിലന്റിലും പ്രദർശനത്തിന് എത്തിക്കുന്നത്