കടയ്ക്കാവൂർ: കുടിവെളളം ലഭിക്കാതെ വലയുന്ന അഞ്ചുതെങ്ങ് പഞ്ചായത്തിന് ശാശ്വത പരിഹാരമായി സമഗ്ര കുടിവെള്ള പദ്ധതി. പഞ്ചായത്ത് രൂപീകൃതമായ കാലം മുതൽ അനുഭവിക്കുന്ന പ്രധാന പ്രശ്നങ്ങളിലൊന്നാണ് കുടിവെള്ളക്ഷാമം. നിരവധി പദ്ധതികൾ കുടിവെള്ള ക്ഷാമം പരിഹരിക്കുന്നതിനായി ആറ്റിങ്ങൽ കേന്ദ്രീകരിച്ച് നടപ്പാക്കിയെങ്കിലും ഫലമുണ്ടായില്ല. 8 ദിവസം കൂടുമ്പോഴാണ് പെെപ്പ്ലൈൻ വഴിയിപ്പോൾ കുടിവെള്ളം ലഭിക്കുന്നത്. ഈ ദുരിതത്തിന് ശാശ്വതപരിഹാരമെന്നോണം മന്ത്രി റോഷി അഗസ്റ്റിൻ സമഗ്രകുടിവെള്ള പദ്ധതിയുടെ നിർമ്മാണോദ്ഘാടനം നിർവഹിക്കുമെന്ന് പഞ്ചായത്ത് പ്രസിഡന്റ് വി.ലെെജു വാർത്താ സമ്മേളനത്തിൽ പറഞ്ഞു. 2020ൽ അധികാരമേറ്റ പഞ്ചായത്ത് ഭരണസമിതിയാണ് സമഗ്രകുടിവെള്ള പദ്ധതിക്ക് തുടക്കം കുറിച്ചത്. ഈ പദ്ധതിയുടെ അടങ്കൽ തുക 2 കോടി 72 ലക്ഷമാണ്. പഞ്ചായത്തിലെ 4500 ഓളം വീടുകൾക്ക് ഈ പദ്ധതിയുടെ ഗുണം ലഭിക്കും. വാർത്താ സമ്മേളനത്തിൽ പഞ്ചായത്ത് പ്രസിഡന്റ് വി.ലെെജു, വെെസ് പ്രസിഡന്റ് ലിജാബോസ്, മെമ്പർമാരായ സോറൻജോൺസൺ, സരിതാബിജു, മിനിജൂഡ്, ഡോൺബോസ്കോ തുടങ്ങിയവർ പങ്കെടുത്തു.