സിവിൽ സർവീസസ് ചെസ്: കേരളാ വനിതകൾക്ക് സ്വർണം

തിരുവനന്തപുരം : ഗോവയിലെ മനോഹർ പരീക്കർ ഇൻഡോർ സ്റ്റേഡിയത്തിൽ നടന്ന ഓൾ ഇന്ത്യ സിവിൽ സർവീസസ് ചെസ് ടൂർണമെൻ്റിൽ കേരള വനിതാ ടീം തുടർച്ചയായ മൂന്നാം തവണയും സ്വർണം നേടി. ഷീന. ഇ (കണ്ണൂർ), സുധ. പി ( മലപ്പുറം), നീനു എ ജോർജ് (കോട്ടയം), ശ്രീദ.സി (പാലക്കാട്), അജിത. ആർ, ലേഖ. ടി (സെക്രട്ടേറിയറ്റ്),ടീം മാനേജർ ഗുലാബ് കുമാർ, കോച്ച് സിന്ധു ജോൺ (സെക്രട്ടേറിയറ്റ് ) എന്നിവരുൾപ്പെട്ട ടീമാണ് സ്വർണം നേടിയത്. ബോർഡ് പ്രൈസ് ഇനത്തിൽ ഷീന.ഇ, ശ്രീദ.സി എന്നിവർ സ്വർണവും വ്യക്തിഗത ഇനത്തിൽ സുധ.പി വെള്ളിയും സ്വന്തമാക്കി. അതേസമയം കേരളത്തിന്റെ പുരുഷ ടീം നാലാം സ്ഥാനം നേടി.