ബിജെപി എം പി സത്യപ്രതിജ്ഞ ചെയ്യുന്നതിനിടെ പുറകിൽ അജ്ഞാത ജീവി; ഞെട്ടിക്കുന്ന ദൃശ്യങ്ങൾ

ന്യൂഡൽഹി: കഴിഞ്ഞദിവസം രാഷ്ട്രപതി ഭവനിൽ നടന്ന ചടങ്ങിൽ പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ 72 അംഗ മന്ത്രിസഭ സത്യപ്രതിജ്ഞ ചെയ്ത് അധികാരമേറ്റു. ​ച​ട​ങ്ങി​ൽ​ ​അ​യ​ൽ​ രാ​ജ്യ​ങ്ങ​ളി​ലെ​ ​രാ​ഷ്‌​ട്ര​ത്ത​ല​വ​ൻ​മാ​ർ​ ​ഉ​ൾ​പ്പെ​ടെ​ ​ഏ​ഴാ​യി​ര​ത്തോ​ളം​ ​അ​തി​ഥി​കളാണ്​ ​പ​ങ്കെ​ടു​ത്തത്. ഇതിനിടെ സത്യപ്രതിജ്ഞാച്ചടങ്ങിനിടെ നടന്ന ഒരു വിചിത്രം സംഭവം സമൂഹമാദ്ധ്യമങ്ങളിൽ വൈറലാവു‌കയാണ്.

ബിജെപി എംപി ദുർഗാദാസ് ഉയികെ സത്യപ്രതിജ്ഞാ നടപടികൾ പൂർത്തിയാക്കിയതിനുശേഷം രേഖകളുമായി ബന്ധപ്പെട്ട കാര്യങ്ങൾ ചെയ്യുന്നതിനിടെ പുറകിലായി ഒരു ജീവി പ്രത്യക്ഷപ്പെട്ടതാണ് വൈറലാവുന്നത്. വേദിയിലെ പടികൾക്ക് മുകളിലായി ഒരു ജീവി നടന്നുപോകുന്നത് കാണാം. നടന്നുപോയത് പൂച്ചയാണെന്നും നായയാണെന്നും പുലിയാണെന്നുമുള്ള വാദങ്ങളാണ് സമൂഹമാദ്ധ്യമങ്ങളിൽ ഉയരുന്നത്. ഇതിന്റെ ദൃശ്യങ്ങളാണ് വ്യാപകമായി പ്രചരിക്കുന്നത്.

An animal was seen strolling back in the Rashtrapati Bhavan after MP Durga Das finished the paperwork

~ Some say it was a LEOPARD while others call it some pet animal. Have a look 🐆 pic.twitter.com/owu3ZXacU3

— The Analyzer (News Updates🗞️) (@Indian_Analyzer) June 10, 2024

72 അംഗ മന്ത്രിസഭയിലെ 30​ ​ക്യാബി​ന​റ്റ് ​മ​ന്ത്രി​മാ​രി​ൽ​ 25​ ​പേ​ർ​ ​ബിജെപി​യി​ൽ​ ​നി​ന്നാണ്. സ​ഖ്യ​ക​ക്ഷി​ക​ളാ​യ​ ​ടി.​ഡി.​പി,​ ​ജെ.​ഡി.​യു,​ ​ജെ.​ഡി.​എ​സ്,​ ​എ​ൽ.​ജെ.​പി,​ ​എ​ച്ച്.​എ.​എം​ ​എന്നി​വയ്ക്കും പ്രാ​തി​നി​ദ്ധ്യ​മു​ണ്ട്.​ ​ടി.​ഡി.​പി,​ ​ജെ.​ഡി.​യു​ ​ക​ക്ഷി​ക​ൾ​ക്ക് ​ഒ​രു​ ​ക്യാ​ബി​ന​റ്റും​ ​സ​ഹ​മ​ന്ത്രി​ ​സ്ഥാ​ന​വും.​ ​ആ​ർ.​എ​ൽ.​ഡി​ക്കും​ ​ശി​വ​സേ​ന​യ്ക്കും​ ​സ്വ​ത​ന്ത്ര​ ​ചു​മ​ത​ല​യു​ള്ള​ ​മ​ന്ത്രി​സ്ഥാ​നം.​ ​ആ​ർ.​പി.​ഐ​യ്‌​ക്കും​ ​അ​പ്‌​നാ​ദ​ളി​നും​ ​സ​ഹ​മ​ന്ത്രി​സ്ഥാ​നം.​ ​കൂ​ടു​ത​ൽ​ ​മ​ന്ത്രി​മാ​ർ​ ​യു.​പി​യി​ൽ​ ​നി​ന്നാണ്.