ഓവർസീസ് സ്കോളർഷിപ്പിന് അപേക്ഷിക്കാം

തിരുവനന്തപുരം: ഉന്നത പഠനനിലവാരം പുലർത്തുന്ന ഒ.ബി.സി വിദ്യാർത്ഥികൾക്ക് വിദേശ സർവകലാശാലകളിൽ മെഡിക്കൽ / എൻജിനിയറിംഗ് / പ്യൂവർ സയൻസ് / അഗ്രികൾച്ചർ / സോഷ്യൽ സയൻസ് / നിയമം / മാനേജ്‌മെന്റ്‌ എന്നിവയിൽ ഉപരിപഠനത്തിന് (പി.ജി / പിഎച്ച്.ഡി കോഴ്സുകൾ) പിന്നാക്ക വികസന വകുപ്പ് മുഖേനയുള്ള ഓവർസീസ് സ്കോളർഷിപ്പിന് www.egrantz.kerala.gov.in വെബ്സൈറ്റിൽ സെപ്തംബർ 20നകം അപേക്ഷിക്കാം. കുടുംബ വാർഷിക വരുമാനം ആറ് ലക്ഷം രൂപയിൽ അധികമാകരുത്. ഓൺലൈനായാണ് അപേക്ഷ സമർപ്പിക്കേണ്ടത്. വിജ്ഞാപനം www.egrantz.kerala.gov.in, www.bcdd.kerala.gov.in വെബ്സൈറ്റുകളിൽ ലഭ്യമാണ്.