ബസ്സിൽ ലൈംഗികാതിക്രമം വൃദ്ധൻ അറസ്റ്റിൽ

പാപ്പനംകോട്: ബസ് യാത്രക്കിടെ സ്കൂൾ വിദ്യാർത്ഥിനിയോട് ലൈംഗിക അതിക്രമംകാട്ടിയ വൃദ്ധനെ പൊലീസ് അറസ്‌റ്റ് ചെയ്തു. തിരുവനന്തപുരം കല്ലിയൂർ സ്റ്റേഡിയത്തിന് സമീപം ശാലോം വീട്ടിൽ ഗോപിയെ (70) ആണ് അറസ്‌റ്റ് ചെയ്തത്. കരമന സ്കൂളിലെ വിദ്യാർത്ഥിനികളോട് ബസ് യാത്രക്കിടെ ഇയാൾ നിരന്തരം ലൈംഗിക അതിക്രമം കാട്ടുന്നുണ്ടായിരുന്നു. വിദ്യാർത്ഥിനി ഇക്കാര്യം സ്കൂൾ അധികൃതരെ അറിയിച്ചു. സ്കൂൾ അധികൃതരാണ് വിവരം പൊലീസിനെ അറിയിച്ചത്. പെൺകുട്ടിക്കൊപ്പം പൊലീസ് മഫ്തിയിൽ ബസ്സിൽ യാത്ര ചെയ്ത് പ്രതിയെ പിടികൂടുകയായിരുന്നു. ഫോർട്ട് അസിസ്റ്റന്റ് കമ്മിഷണർ ശ്രീപ്രസാദിന്റെ നിർദ്ദേശാനുസരണം സി.ഐ അനൂപ്,സബ്ബ് ഇൻസ്പെക്‌ടർ വിപിൻ.ആർ.എസ്,എസ്.സി.പി.ഒ ഷിജി വിൻസെന്റ്,സി.പി.ഒ ഹരീഷ് ലാൽ എന്നിവർ ചേർന്നാണ് പ്രതിയെ പിടികൂടിയത്. പ്രതിയെ കോടതി റിമാൻഡു ചെയ്തു.

ഫോട്ടോ

ശാലോം ഗോപി(70)