പറവകൾക്ക് തണ്ണീർ സാന്ത്വനം

പാണത്തൂർ : കേരള വനം വന്യജീവി വകുപ്പിന്റെയും റാണിപുരം വനസംരക്ഷണ സമിതിയുടെയും നേതൃത്വത്തിൽ ലോക ജല ദിനാചരണത്തിന്റെ ഭാഗമായി പറവകൾക്ക് ഒരിത്തിരി തണ്ണീർ സാന്ത്വനം പരിപാടി സംഘടിപ്പിച്ചു. പന്തിക്കാലിൽ കാഞ്ഞങ്ങാട് റേഞ്ച് ഫോറസ്റ്റ് ഓഫീസർ കെ.രാഹുൽ ഉദ്ഘാടനം ചെയ്തു. വനസംരക്ഷണ സമിതി പ്രസിഡന്റ് എസ്. മധുസൂദനൻ അദ്ധ്യക്ഷത വഹിച്ചു. സെക്ഷൻ ഫോറസ്റ്റ് ഓഫീസർ ബി.സേസപ്പ , വന സംരക്ഷണ സമിതി വൈസ് പ്രസിഡന്റ് ഷിബി ജോയി, സെക്രട്ടറി ഡി.വിമൽ രാജ്,ട്രഷറർ എം.കെ.സുരേഷ് , എം.ബാലു,എന്നിവർ പ്രസംഗിച്ചു. ബീറ്റ് ഫോറസ്റ്റ് ഓഫീസർമാരായ വിഷ്ണുകൃഷ്ണൻ , വി.വിനീത്, കെ.രതീഷ് ,ജി.എസ്.പ്രവീൺ കുമാർ , സമിതി എക്സിക്യൂട്ടീവ് മെമ്പർ ഹരികുമാർ നീലച്ചാൽ, എം.എസ്.സുമേഷ് കുമാർ , സി എങ്കാപ്പു, എം.ബാലകൃഷ്ണൻ നായർ എന്നിവർ നേതൃത്വം നല്കി. പന്തിക്കാൽ , അച്ചം പാറ, വാഴക്കോൽ , റാണിപുരം,കുണ്ടുപ്പള്ളി പ്രദേശങ്ങളിൽ ഇരുപത്തിയഞ്ചിലധികം മുളന്തണ്ടുകൾ സ്ഥാപിച്ച് പക്ഷികൾക്കും മറ്റു ജീവജാലങ്ങൾക്കും കുടിവെള്ള സംവിധാനമൊരുക്കി.