ബി.എസ് 6 കാറുകളുടെ സർട്ടിഫിക്കേഷനുമായി ഇക്കോഫ്യൂവൽ

മുംബയ്: ഓട്ടോമോട്ടീവ് മേഖലയ്ക്കുള്ള സുസ്ഥിര ഇന്ധന പരിഹാരങ്ങളിൽ മുൻപന്തിയിലുള്ള ഇക്കോഫ്യൂവൽ 22 കാർ മോഡലുകൾക്ക് ഭാരത് സ്റ്റേജ് VI (ബി.എസ് VI) എമിഷൻ മാനദണ്ഡങ്ങളുടെ പൂർണ സർട്ടിഫിക്കേഷൻ നേടി. വാഹനത്തിന് പുറന്തള്ളാൻ കഴിയുന്ന വായു മലിനീകരണത്തിന്റെ അളവ് നിയന്ത്രിക്കുന്ന ഒരു മാനദണ്ഡമാണിത്.

ഇക്കോഫ്യൂവൽ ഇതുവരെ ഏകദേശം പത്തുലക്ഷം വാഹനങ്ങൾ പരിവർത്തനം ചെയ്‌തെന്നും രാജ്യവ്യാപകമായി നാല് ലക്ഷത്തിലധികം സീക്വൻഷൽ കിറ്റുകൾ വിതരണം ചെയ്തെന്നും ഇക്കോ ഫ്യൂവൽ സിസ്റ്റംസ് സ്ഥാപകനും ചെയർമാനുമായ വീരേന്ദ്ര വോറ പറഞ്ഞു. പരിസ്ഥിതി ഉത്തരവാദിത്തവുമായി നവീകരണത്തെ സംയോജിപ്പിക്കുകയെന്നതാണ് പ്രധാന ദൗത്യം. വൃത്തിയുള്ളതും ഹരിതവുമായ ഒരു ഭാവിയിലേക്കുള്ള ഇന്ത്യയുടെ യാത്രയിൽ പങ്കുവഹിക്കാൻ കഴിയുന്നതിൽ അഭിമാനമുണ്ടെന്നും അദ്ദേഹം പറഞ്ഞു.

ആഗോള നിലവാരം

ഇക്കോഫ്യൂവലിൽ നിന്നുള്ള ഉത്പന്നങ്ങൾ ഇന്ത്യൻ, യൂറോപ്യൻ മാനദണ്ഡങ്ങൾ 100 ശതമാനം പാലിക്കുന്നവയാണ്. ഉപഭോക്താക്കൾക്ക് സാദ്ധ്യമായ ഏറ്റവും മികച്ച വാഹന പ്രകടനം ലഭിക്കുന്നുണ്ടെന്ന് ഉറപ്പാക്കുന്നതിനോടൊപ്പം ശുദ്ധമായ അന്തരീക്ഷത്തിന് സംഭാവന നൽകുകയും ചെയ്യുന്നു. ഇന്ത്യയിലുടനീളം 400-ലധികം ഡീലർഷിപ്പുകളുള്ളതിനാൽ, ഇക്കോഫ്യൂവലിന്റെ പരിസ്ഥിതി സൗഹൃദ ഉത്പന്നങ്ങൾ ഇപ്പോൾ കൂടുതൽ ഉപഭോക്താക്കൾക്ക് ലഭ്യമാക്കാൻ കഴിയുന്നു.