കേരള ഓപ്പൺ കരാട്ടെ ചാമ്പ്യൻഷിപ്പ് ഏപ്രിൽ 10 മുതൽ 12 വരെ തിരുവനന്തപുരത്ത്

തിരുവനന്തപുരം : കേരള ഒളിമ്പിക് അസോസിയേഷൻ​ കേരള കരാട്ടെ അസോസിയേഷനുമായി സഹകരിച്ച് നടത്തുന്ന കേരള ഓപ്പൺ കരാട്ടെ ചാമ്പ്യൻഷിപ്പ് ഏപ്രിൽ 10 മുതൽ 12 വരെ തിരുവനന്തപുരത്ത് നടക്കും. ജിമ്മി ജോർജ് ഇൻ‌ഡോർ സ്റ്റേഡിയത്തിൽ നടക്കുന്ന ചാമ്പ്യൻഷിപ്പിൽ 14 ജില്ലകളെ പ്രതിനിധീകരിച്ച് 4500 താരങ്ങൾ പങ്കെടുക്കും. കത്താ,​ കുമിത്തേ വിഭാഗങ്ങളിലാണ് മത്സരങ്ങൾ. വൈറ്റ് ബെൽറ്റ് മുതൽ ബ്ളാക് ബെൽറ്റ് വരെ നേടിയ എല്ലാ താരങ്ങൾക്കും പ്രായ-ലിംഗഭേദമെന്യേ പങ്കെടുക്കാം. ഓൺലൈൻ രജിസ്ട്രേഷൻ കേരള ഒളിമ്പിക് അസോസിയേഷന്റെ ഔദ്യോഗിക വെബ്സൈറ്റ് വഴി (keralaolympic.org)ആരംഭിച്ചിട്ടുണ്ട്. അവസാനതീയതി:ഏപ്രിൽ അഞ്ച്. കൂടുതൽ വിവരങ്ങൾക്ക് ഫോൺ : 9400064002