അവധിക്കാല യാത്രയ്ക്ക് ആശ്വാസമായി സ്പെഷ്യൽ ട്രെയിനുകൾ തിരക്കില്ലാതെ നാടുപിടിക്കാം

കോഴിക്കോട്: അവധിക്കാലത്ത് നാട്ടിലേക്കുള്ള തിക്കും തിരക്കും നിറഞ്ഞ യാത്രകൾക്ക് ചെറിയ ആശ്വാസം നൽകുകയാണ് റെയിൽവേയുടെ സ്പെഷ്യൽ ട്രെയിൻ സർവീസുകൾ. മേയ് വരെയുള്ള മിക്ക അന്തർസംസ്ഥാന യാത്രകൾക്കും ഇപ്പോൾ തന്നെ ടിക്കറ്റുകൾ കിട്ടാത്ത സ്ഥിതിയാണ്. തിരക്കിൽ ലാഭം കൊയ്യുന്നത് സ്വകാര്യബസുകളാണ്. പലപ്പോഴും നിശ്ചിത നിരക്കിന്റെ രണ്ടോ, മൂന്നോ മടങ്ങാണ് ബസുകൾ ടിക്കറ്റ് ചാർജായി ഈടാക്കുന്നത്. ഏറ്റവും കൂടുതൽ മലയാളികൾ യാത്ര ചെയ്യുന്ന ബംഗളൂരുവിൽ നിന്നുൾപ്പെടെ സ്പെഷ്യൽ ട്രെയിനുകൾ സജ്ജീകരിച്ചിട്ടുണ്ട്. കൂടാതെ ഈസ്റ്ററിനും സ്പെഷ്യൽ ട്രെയിനുകളുണ്ട്.

മംഗളൂരു ജംഗ്ഷൻ- തിരുവനന്തപുരം നോർത്ത്

മം​ഗ​ളൂ​രു​ ​ജം​ഗ്ഷ​ൻ​-​ ​തി​രു​വ​ന​ന്ത​പു​രം​ ​നോ​ർ​ത്ത് ​സ​മ്മ​ർ​ ​സ്പെ​ഷ്യ​ൽ​ ​ട്രെ​യി​ൻ​ ​(​06041) ശ​നി​യാ​ഴ്ച​ക​ളി​ൽ​ ​വൈകീ​ട്ട് 6​ ​ന് ​മം​ഗു​ളൂ​രു​ ​ജം​ഗ്ഷ​നി​ൽ​ ​നി​ന്ന്​ ​പു​റ​പ്പെ​ട്ട് ​ഞാ​യ​റാ​ഴ്ച​ ​രാ​വി​ലെ​ 6.35​ ​ന് ​തു​രു​വ​ന​ന്ത​പു​രം​ ​നോ​ർ​ത്തി​ലെത്തും.​ ​ഏ​പ്രി​ൽ​ 19,​ 26,​ ​മേ​യ് ​മൂ​ന്ന് ​എ​ന്നീ​ ​ദി​വ​സ​ങ്ങ​ളി​ലാ​ണ് ​സ​ർ​വീ​സ്.​

​ഇ​തേ​ ​ട്രെ​യി​ൻ​ ​(06042​)​ ​തിരിച്ച് ഞാ​യ​റാ​ഴ്ച​ ​വൈകീ​ട്ട് 6.40​ ​ന് ​തി​രു​വ​ന​ന്ത​പു​രം​ ​നോ​ർ​ത്തി​ൽ​ ​നി​ന്ന്​ ​പു​റ​പ്പെ​ട്ട് ​തി​ങ്ക​ളാ​ഴ്ച​ ​രാ​വി​ലെ​ ​ഏ​ഴ് ​മ​ണി​യോ​ടെ​ ​മം​ഗ​ളു​രു​ ​ജം​ഗ്ഷ​നി​ൽ​ ​എ​ത്തും.​ ​പു​ല​ർ​ച്ചെ​ 1.47​ ​ന് ​കോ​ഴി​ക്കോ​ട് ​എ​ത്തി​ച്ചേ​രും.​ ​ഏ​പ്രി​ൽ​ 20,27,​ ​മേയ് ​നാ​ല് ​എ​ന്നീ​ ​ദി​വ​സ​ങ്ങ​ളി​ലാ​ണ് ​സ​ർ​വീ​സ്.

എസ്.എം.വി.ടി ബംഗളൂരു- തിരുവനന്തപുരം നോർത്ത് ​​​​​​​

എസ്.എം.വി.ടി ബംഗളൂരു- തിരുവനന്തപുരം നോർത്ത് സ്പെഷ്യൽ ട്രെയിൻ ( 06555). ബംഗളൂരുവിൽ നിന്ന് വെള്ളിയാഴ്ചകളിൽ രാത്രി 10 ന് പുറപ്പെട്ട് ശനിയാഴ്ച ഉച്ചയ്ക്ക് രണ്ടിന് തിരുവനന്തപുരം നോർത്തിൽ എത്തിച്ചേരും. ഏപ്രിൽ 18, 25, മെയ് രണ്ട്. ഒൻപത്, 16, 23, 30 ദിവസങ്ങളിലാണ് സർവീസ്.

ഇതേ ട്രെയിൻ (06556) തിരിച്ച് ഞായറാഴ്ച ഉച്ചയ്ക്ക് 2.15 ന് യാത്ര ആരംഭിച്ച് പിറ്റേദിവസം രാവിലെ 7.30 ന് ബംഗളൂരുവിൽ എത്തും. ഏപ്രിൽ 20, 27, മെയ് നാല്, 11, 18, 25, ജൂൺ ഒന്ന് ദിവസങ്ങളിലാണ് സർവീസ്.

ലോകമാന്യതിലക്- തിരുവനന്തപുരം നോർത്ത്

മുംബെെ ലോകമാന്യതിലകിൽ നിന്നും എല്ലാ വ്യാഴാഴ്ചയും വെെകീട്ട് 4 ന് പുറപ്പെട്ട് വെള്ളിയാഴ്ച രാത്രി 10 .45 ന്

തിരുവനന്തപുരം നോർത്തിൽ സർവീസ് അവസാനിക്കുന്ന ലോകമാന്യതിലക്- തിരുവനന്തപുരം നോർത്ത് സ്പെഷ്യൽ വീക്ക്‌ലി ( 01063).

തിരുവനന്തപുരം നോർത്തിൽ നിന്ന് എല്ലാ ശനിയാഴ്ചയും വെെകീട്ട് 4.20 ന് യാത്ര തുടങ്ങി തിങ്കൾ പുലർച്ചെ 12.45 ന് ലോകമാന്യതിലകിൽ എത്തുന്ന തിരുവനന്തപുരം നോർത്ത് - ലോകമാന്യതിലക് സ്പെഷ്യൽ വീക്ക്‌ലി (01064) എന്നീ ട്രെയിനുകളും അവധിക്കാലത്തേക്ക് അനുവദിച്ചവയാണ്. മേയ് 31 വരെ ഈ രണ്ട് ട്രെയിനുകളും സർവീസ് നടത്തും.