ആൺസുഹൃത്തുക്കളെ വിശ്വസിച്ച് ജന്മദിനം ആഘോഷിക്കാൻ പോയി, 19 വയസുകാരിയെ ക്രൂരമായി പീഡിപ്പിച്ചു കൊന്നു

മുംബയ്: ജന്മദിനം ആഘോഷിക്കാൻ പോയ 19 വയസുകാരി പെൺകുട്ടിയെ നാല് ആൺസുഹൃത്തുക്കൾ ചേർന്ന് ക്രൂരമായി പീഡിപ്പിച്ച് കൊലപ്പെടുത്തി. മുംബയിലെ ബെഗുംപുര ഭാഗത്ത് താമസിക്കുന്ന പെൺകുട്ടിയാണ് തന്റെ സുഹൃത്തുക്കളായ പുരുഷന്മാരിൽ ഒരാളുടെ വീട്ടിൽ തന്റെ ജന്മദിനം ആഘോഷിക്കാനായി ഒത്തുകൂടിയത്. ജൂലൈ 7നായിരുന്നുപെൺകുട്ടിയുടെ ജന്മദിനം. പെൺകുട്ടിക്കൊപ്പം കേക്ക് മുറിച്ച ഉടൻ തന്നെ അവളെ കടന്നുപിടിക്കുകയും അവളെ കീഴ്പ്പെടുത്തുകയും ചെയ്തു. സുഹൃത്തുക്കളിൽ നിന്നും ഇങ്ങനെയൊരു പെരുമാറ്റം ഒട്ടും പ്രതീക്ഷിക്കാതിരുന്ന പെൺകുട്ടിക്ക് അവരിൽ നിന്നും രക്ഷപെടാൻ ആയില്ല.

പിന്നീട് ഇവർ ഓരോരുത്തരായി പെൺകുട്ടിയെ ലൈംഗികമായി ഉപയോഗിക്കുകയായിരുന്നു. വീട്ടിൽ തിരിച്ചെത്തിയ പെൺകുട്ടി നടന്ന സംഭവങ്ങളൊന്നും മാതാപിതാക്കളോടോ പൊലീസിനോടോ പറയാൻ തയാറായില്ല. ഞെട്ടലിലും മാനസിക സംഘർഷത്തിലുമായിരുന്ന പെൺകുട്ടിക്ക് അധികം താമസിയാതെ തന്റെ ഗുഹ്യഭാഗങ്ങളിൽ അതികഠിനമായ വേദന അനുഭവപെട്ടു. തുടർന്ന് കുട്ടിയെ ആശുപത്രീയിൽ പ്രവേശിപ്പിക്കുകയായിരുന്നു. തുടർന്ന് ജൂലൈ 30ന് സംഭവം വെളിച്ചത്ത് വന്നു. ഗുരുതരാവസ്ഥയിൽ ആയിരുന്ന പെൺകുട്ടി ഏറെനാൾ മരണവുമായി മല്ലിട്ട് അവസാനം ജീവൻ വെടിയുകയായിരുന്നു. കേസ് അന്വേഷിച്ച ചുനാഭട്ടി പൊലീസിന് കുറ്റവാളികളെ ഇനിയും പിടികൂടിയിട്ടില്ല.