ദേശീയ,​ സംസ്ഥാന പാർട്ടികൾക്ക് ആശങ്കകളും നിർദ്ദേശങ്ങളും പങ്കുവയ്‌ക്കാൻ അവസരമൊരുക്കി ​ തിരഞ്ഞെടുപ്പ് കമ്മീഷൻ

ന്യൂഡൽഹി: മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറും തിരഞ്ഞെടുപ്പ് കമ്മീഷണർമാരായ ഡോ. സുഖ്ബീർ സിംഗ് സന്ധുവും ഡോ. വിവേക് ജോഷിയും നിർവാചൻ സദനിൽ ബിഎസ്‌പി ദേശീയ അദ്ധ്യക്ഷ മായാവതിയുടെ നേതൃത്വത്തിലെ സംഘവുമായി കൂടിക്കാഴ്ച നടത്തി.

ദേശീയ,സംസ്ഥാന പാർട്ടി അദ്ധ്യക്ഷന്മാർക്ക് അവരുടെ നിർദ്ദേശങ്ങളും ആശങ്കകളും കമ്മീഷനുമായി നേരിട്ട് പങ്കുവെക്കാൻ അവസരം നൽകുന്ന ക്രിയാത്മകമായ ചർച്ചകളുടെ ഭാഗമാണിത്. നിലവിലുള്ള നിയമങ്ങൾക്കും ചട്ടങ്ങൾക്കും അനുസൃതമായി, തിരഞ്ഞെടുപ്പ് പ്രക്രിയ കൂടുതൽ ശക്തിപ്പെടുത്തുന്നതിനുള്ള കമ്മീഷന്റെ വിശാലമായ കാഴ്ചപ്പാടിന്റെ ഭാഗമാണിത്.

നേരത്തെ, 40 മുഖ്യ തിരഞ്ഞെടുപ്പ് ഓഫീസർമാരും (സിഇഒമാർ), 800 ജില്ല തിരഞ്ഞെടുപ്പ് ഓഫീസർമാരും (ഡിഇഒമാർ), 3879 ഇലക്ടറൽ രജിസ്‌ട്രേഷൻ ഓഫീസർമാരും (ഇആർഒമാർ) നടത്തിയ യോഗങ്ങൾ ഉൾപ്പെടെ ഇത്തരത്തിൽ ആകെ 4,719 സർവ്വകക്ഷി യോഗങ്ങൾ സംഘടിപ്പിച്ചിട്ടുണ്ട്. ഇതിൽ 28,000ത്തിലധികം വിവിധ രാഷ്ട്രീയ പാർട്ടികളുടെ പ്രതിനിധികൾ പങ്കെടുത്തു.