കൊല്ലം പരപ്പിൽ മണൽ ഖനനം അനുവദിക്കില്ല: ജെ. മേഴ്സിക്കുട്ടിയമ്മ

കൊല്ലം: വർക്കല മുതൽ കൊല്ലം വഴി അമ്പലപ്പുഴ വരെ 85 കിലോമീറ്റർ ദൂരത്തിൽ 3300 ചതുരശ്ര കിലോമീറ്റർ ചുറ്റളവിലുള്ള കൊല്ലം പരപ്പിൽ മണൽ ഖനനം അനുവദിക്കില്ലെന്ന് മുൻ മന്ത്രി ജെ. മേഴ്സിക്കുട്ടിയമ്മ പറഞ്ഞു. കേരള യൂത്ത് ഫ്രണ്ട് (എം) സംസ്‌ഥാന പ്രസി​ഡന്റ് സിറിയക്ക് ചാഴിക്കാടൻ നയിക്കുന്ന തീരദേശസംരക്ഷണ ജാഥയുടെ ജില്ലയിലെ സമാപന സമ്മേളനം കൊല്ലം പോർട്ടിൽ ഉദ്ഘാടനം ചെയ്യുകയായി​രുന്നു മേഴ്സി​ക്കുട്ടി​യമ്മ. കേരളാ കോൺഗ്രസ് (എം) ജില്ലാ പ്രസിഡന്റ് വഴുതാനത്ത് ബാലചന്ദ്രൻ ആദ്ധ്യക്ഷത വഹി​ച്ചു. ബെന്നി കക്കാട്, അറയ്ക്കൽ ബാലകൃഷ്ണപിള്ള, അലക്‌സ് കോഴിമല, എ. ഇഖ്ബാൽ കുട്ടി, രഞ്ജിത് തോമസ്, ശ്രീരാഗ് കൃഷ്ണൻ, ചവറ ഷാ, ആദിക്കാട് മനോജ്, ജോസ് മത്തായി, കെ ദിലീപ് കുമാർ, എ.ജി. അനിത തുടങ്ങിയവർ സംസാരി​ച്ചു.