ആറ്റിൽ വീണ യുവാവിന്റെ മൃതദേഹം കണ്ടെത്തി

പീരുമേട്: മീൻ പിടിക്കുന്നതിനിടെ ആറ്റിൽവീണ് മരിച്ച യുവാവിന്റെ മൃതദേഹം കണ്ടെത്തി.
കണയങ്കവയൽ വാതല്ലൂർ സുബിൻ (32) ആണ് ആറ്റിൽ വീണ് മരിച്ചത്.
മീൻ പിടിക്കുന്നതിനിടയിൽ കാൽ തെറ്റി പുറക്കയം ആന മുള്ളി വനത്തിൽ അഴുതയാറ്റിൽ വീഴുകയായിരുന്നു. ഇന്നലെ മൂന്നിനായിരുന്നു സംഭവം.
പീരുമേട് ഫയർഫോഴ്സ് യൂണിറ്റ്സംഭവ സ്ഥലത്ത് എത്തി തെരച്ചിൽ നടത്തി മൃതദേഹംറോഡിൽ എത്തിച്ചത്. കുത്തൊഴുക്കുള്ള വെള്ളത്തിലൂടെ സ്‌ട്രെച്ചർ കയർകെട്ടി അപകടം നടന്ന സ്ഥലത്തെത്തിച്ച് 3 കിലോമീറ്ററിലധികം ദൂരം ചുമന്നാണ് ആംബുലൻസിനടുത്ത്
മൃതദേഹം എത്തിച്ചത്. തുടർന്ന് പീരുമേട് താലൂക്ക് ആശുപത്രിമോർച്ചറിയിൽ മൃതദേഹം സൂക്ഷിച്ചിട്ടുണ്ട്. ഫയർഫോഴ്സ് യൂണിറ്റ്
ഓഫിസർ പി.ബിനുകുമാറിന്റെനേതൃത്വത്തിൽ ഫയർ ഓഫീസർമാരായ പി.എസ് സനൽ, ജി.എസ് ആനന്ദ്, വി.ആർ അരുൺ കുമാർ, എസ്. സുമേഷ്, ഒ.കിരൺകുമാർ , നിഖിൽജോസഫ്, ടി.എംജിസ്‌മോൻ എന്നിവർ ദൗത്യത്തിൽ പങ്കെടുത്തു.