CAT 2025: സെപ്റ്രംബർ 13 വരെ അപേക്ഷിക്കാം

രാജ്യത്തെ അഹമ്മദാബാദ്, അമൃത‌്സർ, ബാംഗ്ലൂർ, ബോധ്ഗയ, കൽക്കട്ട, ഇൻഡോർ, ജമ്മു, കാശിപ്പൂർ, കോഴിക്കോട്, ലക്‌നൗ, മുംബയ്, നാഗ്പുർ, റായ്പുർ, റാഞ്ചി, റോഹ്‌തക്, സമ്പൽപുർ, ഷില്ലോംഗ്, സിർമൗർ, തിരുച്ചിറപ്പള്ളി, ഉദയ്പുർ, വിശാഖപട്ടണം എന്നീ ഇന്ത്യൻ ഇൻസ്റ്റിറ്റ്യൂട്ട് ഒഫ് മാനേജ്‌മെന്റുകളിലേക്കും, 1200 ഓളം ബിസിനസ് സ്‌കൂളുകളിലേക്കുമുള്ള ബിരുദാനന്തര മാനേജ്മെന്റ് പ്രോഗ്രാം, എം.ബി.എ, ബിരുദാനന്തര ഡിപ്ലോമ, ഡോക്ടറൽ പ്രോഗ്രാമിലേക്ക് പ്രവേശനത്തിനുള്ള പൊതുപ്രവേശന പരീക്ഷ-CAT (Common Admission Test) ന് അപേക്ഷിക്കാം. അപേക്ഷ ഓൺലൈനായി www.iimcat.ac.in ലൂടെ സെപ്തംബർ 13 വരെ സമർപ്പിക്കാം.

പരീക്ഷ

..................

170 ഓളം കേന്ദ്രങ്ങളിൽ നവംബർ 30 ന് മൂന്ന് സെഷനുകളിലായി കമ്പ്യൂട്ടർ അധിഷ്ഠിത പരീക്ഷ നടക്കും. 2026 ജനുവരി ആദ്യ ആഴ്ച ഫലം പ്രസിദ്ധീകരിക്കും. പരീക്ഷയിൽ 66 ചോദ്യങ്ങൾക്ക് 3 മാർക്ക് വീതം മൊത്തം മാർക്ക് 198 ആണ്. ഇതിൽ മൾട്ടിപ്പിൾ ചോയ്‌സ് ചോദ്യങ്ങളും, വെർബൽ എബിലിറ്റി റീഡിംഗ്, കോംപ്രിഹെൻഷൻ, ഡാറ്റ ഇന്റർപ്രെട്ടേഷൻ, ലോജിസ്റ്റിക്കൽ റീസണിംഗ്, ക്വാണ്ടിറ്റേറ്റീവ് എബിലിറ്റി എന്നിവയിൽ നിന്നുള്ള ചോദ്യങ്ങളുമുണ്ടാകും. രണ്ടു മണിക്കൂറാണ് പരീക്ഷ സമയം. നെഗറ്റീവ് മാർക്കിംഗ് രീതിയുണ്ട്.

പരീക്ഷാ ഫീസ്

........................

പരീക്ഷാഫീസ് പൊതു വിഭാഗത്തിൽപ്പെട്ടവർക്ക് 2600 രൂപയും, മറ്റുള്ളവർക്ക് 1300 രൂപയുമാണ്. അപേക്ഷ സമർപ്പിച്ചാൽ കാറ്റഗറി മാറ്റം സാദ്ധ്യമല്ല. എല്ലാ സ്ഥാപനങ്ങളിലേക്കും ഒരു അപേക്ഷ മതിയാകും. അപേക്ഷിക്കമ്പോൾ അഞ്ചു പരീക്ഷ കേന്ദ്രങ്ങൾക്കു വരെ ഓപ്ഷൻ നൽകാം. അപേക്ഷകന്റെ ഇ മെയിൽ വിലാസം, മൊബൈൽ നമ്പർ എന്നിവ മാറ്റരുത്.

യോഗ്യത

.........................

50 ശതമാനം മാർക്കോടെ ബിരുദം നേടിയവർക്കും അവസാനവർഷ ബിരുദവിദ്യാർത്ഥികൾക്കും അപേക്ഷിക്കാം. പട്ടികജാതി/പട്ടികവർഗ വിഭാഗത്തിൽപ്പെട്ടവർക്ക് 45 ശതമാനം മാർക്ക് മതിയാകും.

തയ്യാറെടുക്കാം

................................

CAT 2025ന് തയ്യാറെടുപ്പിന് 4 മാസം സമയമുണ്ട്. നിരവധി ഓൺലൈൻ കോച്ചിംഗുകളും നിലവിലുണ്ട്. സിലബസ് അനുസരിച്ച് പാഠപുസ്തകങ്ങൾ കണ്ടെത്തണം. Facebook, You tube, Telegram എന്നിവയിൽ ഓൺലൈൻ പഠന പ്ലാറ്റ്‌ഫോമുകളുണ്ട്.

9, 10 ക്ലാസുകളിലെ NCERT കണക്ക് പുസ്തകങ്ങൾ പഠിക്കുന്നത് ക്വാണ്ടിറ്റേറ്റീവ് എബിലിറ്റി പേപ്പറിന് നല്ലതാണ്. ഇവയിൽ ജ്യോമെട്രി, ആൾജിബ്ര, ട്രിഗ്നോമെട്രി, മെൻസുറേഷൻ, മോഡേൺ മാത്‌സ്, അരിത‌്മെറ്റിക്‌സ് എന്നിവ ഉൾപ്പെട്ടിട്ടുണ്ട്. വെർബൽ എബിലിറ്റി, റീസണിംഗ് എന്നിവയ്ക്ക് ഇംഗ്ലീഷ് ഗ്രാമർ നന്നായി പഠിച്ചിരിക്കണം. പതിവായി പത്രങ്ങൾ വായിക്കുന്നവർക്ക് റീഡിംഗ് കോംപ്രിഹെൻഷൻ എളുപ്പമായിരിക്കും. CAT പരീക്ഷയ്ക്ക താഴെകൊടുത്തിരിക്കുന്ന പുസ്തകങ്ങൾ പ്രയോജനകരമായിരിക്കും.

1. Verbal ability - How to prepare for verbal ability & Reading comprehension for CAT - by Meenakshi Upadhyay&Arun Sharma 8th Edn.

2. Data interpretation & Logical Reasoning – Gautam Puri

3. Logical Reasoning & Data interpretation for CAT - Nishit K Sinha

4. How to prepare for data interpretation for CAT - Arun Sharma

5. Quantum CAT - Arahant publications

6. High school English Grammar &Composition book - Wren & Martin

7. Word power made easy - Norman Lewis

8. Past years CAT questions - GK publications

9. A brief history of Time - Stephen Hawking

10. Cosmos - Carl Sagan

11. Seven habits of highly effective people - Stephen Covey

12. Capitalization& Freedom - Milton Friedman

13. Long walk to freedom - Nelson Mandela

14. Wings of fire - A.P.J. Abdul Kalam

15. Shantaram - David Gregory Robert

16. The time Machine - H.G. Wells

17. Three men on a boat - Jerome K. Jerome

18. Around the world in Eighty days - Jules Verne