എസി സ്ഥാപിക്കാൻ ഇരുനില വീടിന്റെ മുകളിൽ കയറി, കാൽവഴുതി കിണറ്റിൽ വീണ യുവാവിന് ദാരുണാന്ത്യം

തിരുവനന്തപുരം: ഇരുനില വീടിന്റെ മുകളിൽ നിന്ന് കാൽവഴുതി കിണറ്റിൽ വീണ യുവാവിന് ദാരുണാന്ത്യം. വിളവൂർക്കൽ പൊറ്റയിൽ സ്വദേശി അഖിലാണ് (24) മരിച്ചത്. പേയാട് അലക്കുന്നം ഭാഗത്ത് ഇന്ന് ഉച്ചയോടെയായിരുന്നു സംഭവം. അഖിലും മറ്റൊരു യുവാവും ചേർന്ന് എസി സ്ഥാപിക്കാനാണ് വീട്ടിലെത്തിയത്. ഇതിനിടെ കാൽ വഴുതി വീടിന്റെ ഷെയ്ഡിൽ തട്ടി അഖിൽ കിണറ്റിലേക്കു വീഴുകയായിരുന്നു. അഗ്നിശമന സേനയെത്തി പുറത്തെടുത്ത് ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ സാധിച്ചില്ല.