പാലക്കാട് യുവാവിനെ വീട്ടിൽ കയറി വെട്ടിക്കൊന്നു; പ്രതിക്കായി തെരച്ചിൽ

പാലക്കാട്: യുവാവിനെ വീട്ടിൽ കയറി വെട്ടിക്കൊന്നു. പാലക്കാട് കൊഴിഞ്ഞാമ്പാറയിൽ ഇന്നലെ രാത്രിയാണ് സംഭവം നടന്നത്. കൊഴിഞ്ഞാമ്പാറ കരംപൊറ്റ സ്വദേശി സന്തോഷാണ് കൊല്ലപ്പെട്ടത്. രാത്രി പത്ത് മണിയോടെ ഒരാൾ സന്തോഷിന്റെ വീട്ടിലേക്ക് അതിക്രമിച്ച് കയറി ആക്രമിക്കുകയായിരുന്നു. സന്തോഷിനെ വെട്ടിയ ശേഷം ഇയാൾ സ്ഥലത്ത് നിന്ന് രക്ഷപ്പെട്ടു. പ്രതിയെപ്പറ്റി സൂചന ലഭിച്ചതായി പൊലീസ് പറയുന്നു. പ്രതിക്കായി വ്യാപക തെരച്ചിൽ നടത്തുന്നുണ്ടെന്നും പൊലീസ് അറിയിച്ചു. മൃതദേഹം ആശുപത്രിയിലേക്ക് മാറ്റി. സംഭവത്തിൽ കൂടുതൽ വിവരങ്ങൾ പുറത്തുവന്നിട്ടില്ല.