ആറളത്തെ വന്യജീവി സംഘർഷം: പദ്ധതികളുടെ ഉദ്ഘാടനം ഇന്ന്

തിരുവനന്തപുരം: കണ്ണൂർ, ആറളം ഡിവിഷനുകളിലെ വന്യജീവി സംഘർഷം ലഘൂകരിക്കുന്നതിനുള്ള പദ്ധതികളുടെ ഉദ്ഘാടനം ഇന്ന് വൈകിട്ട് 4.30ന് ആറളം വന്യജീവി സങ്കേതത്തിലെ വളയംചാലിൽ മന്ത്രി എ.കെ.ശശീന്ദ്രൻ നിർവഹിക്കും. കെ.പി.സി.സി പ്രസിഡന്റ് സണ്ണി ജോസഫ് എം.എൽ.എ അദ്ധ്യക്ഷത വഹിക്കും.

മിഷൻ ഫെൻസിംഗിന്റെ ഭാഗമായി നിർമ്മിച്ച 6.3 കിലോമീ​റ്റർ തൂക്കവേലി, ജീവനക്കാരുടെ അടിസ്ഥാന സൗകര്യം മെച്ചപ്പെടുത്തുന്നതിനായി നിർമ്മിച്ച ബാരക്കുകൾ എന്നിവ ഉദ്ഘാടനം ചെയ്യും. വന്യജീവി സംഘർഷം ആവർത്തിക്കുന്ന പഞ്ചായത്തുകളിൽ രൂപീകരിച്ച സന്നദ്ധ പ്രാഥമിക പ്രതികരണ (പി.ആർ.ടി) സേനാംഗങ്ങൾക്കുള്ള പരിശീലനത്തിന്റെ സമാപന സമ്മേളനത്തിൽ മന്ത്രി പങ്കെടുക്കും.