പൊലീസ് സ്റ്റേഷനുകളിൽ സി.സി ടിവി ഇല്ല; സ്വമേധയാ കേസെടുത്ത് സുപ്രീംകോടതി

ന്യൂഡൽഹി: പൊലീസ് സ്റ്റേഷനുകളിൽ സി.സി ടിവി ക്യാമറകൾ സ്ഥാപിക്കാത്തതിൽ സുപ്രീംകോടതി സ്വമേധയാ കേസെടുത്തു. പ്രവർത്തനക്ഷമമായ സി.സി ടിവി ക്യാമറകൾ പല സ്റ്രേഷനുകളില്ലാത്തതും​ അടുത്തിടെയായി കസ്റ്റഡി മരണങ്ങൾ വർദ്ധിക്കുന്നതും കോടതി പരിഗണിച്ചു.

ഹിന്ദി ദിനപത്രമായ ദൈനിക് ഭാസ്‌കർ പ്രസിദ്ധീകരിച്ച വാർത്തയുടെ അടിസ്ഥാനത്തിലാണ് ജസ്റ്റിസുമാരായ വിക്രംനാഥ്,സന്ദീപ് മേത്ത എന്നിവരടങ്ങിയ ബെ‌ഞ്ചിന്റെ നടപടി. രാജ്യത്തെ വിവിധ സ്റ്രേഷനുകളിൽ 8 മാസത്തിനിടെ 11 കസ്റ്റഡി മരണങ്ങളുണ്ടായെന്ന് റിപ്പോർട്ടിലുണ്ട്.

എല്ലാ പൊലീസ് സ്റ്റേഷനുകളിലും കേന്ദ്ര ഏജൻസികളുടെ ഓഫീസുകളിലും സി.സി ടിവി സ്ഥാപിക്കണമെന്ന് 2020ൽ സുപ്രീംകോടതിയുടെ മൂന്നംഗ ബെ‌ഞ്ച് ഉത്തരവിട്ടിരുന്നു. നൈറ്റ് വിഷൻ,ഓഡിയോ സൗകര്യങ്ങളുണ്ടാകണമെന്നുമായിരുന്നു നിർദ്ദേശം.