ഓപ്പറേഷൻ ഷൈലോക്ക് : 20 കേസുകൾ, 39 ലക്ഷം പിടികൂടി

ആലപ്പുഴ : പലിശക്കാർക്കെതിരെയുള്ള ഓപ്പറേഷൻ ഷൈലോക്കിന്റെ ഭാഗമായി എറണാകുളം റേഞ്ച് പോലീസ് പരിശോധനയിൽ 20 കേസുകൾ രജിസ്റ്റർ ചെയ്തു. എറണാകുളം റൂറൽ, ആലപ്പുഴ, കോട്ടയം, ഇടുക്കി ജില്ലകളിലായി ഡി.ഐ.ജി എസ്.സതീഷ് ബിനോയുടെ നേതൃത്വത്തിൽ 298 ഇടങ്ങളിലാണ് പരിശോധന നടന്നത്.

കോട്ടയം -7, ഇടുക്കി -5, എറണാകുളം റൂറൽ -4, ആലപ്പുഴ- 4 എന്നിങ്ങനെയാണ് കേസുകൾ രജിസ്റ്റർ ചെയ്തത്. അനധികൃത പലിശ ഇടപാടുകളിലൂടെ സമ്പാദിച്ച 39 ലക്ഷത്തോളം രൂപ പിടികൂടി. 7 കാറുകൾ, 13 ഇരുചക്രവാഹനങ്ങൾ ഉൾപ്പടെ 26 വാഹനങ്ങൾ , 62 മുദ്രപ്പത്രങ്ങൾ, 8 പ്രോമിസറി നോട്ടുകൾ, 86 ആർ.സി ബുക്കുകൾ, 17 ആധാരങ്ങൾ എന്നിവ കൂടാതെ മറ്റ് രേഖകളും പിടികൂടിയിട്ടുണ്ട്. . ഇന്നലെ രാവിലെ 7 മണിക്ക് ആരംഭിച്ച പരിശോധന വൈകിയും തുടർ ന്നു. രണ്ടായിരത്തോളം ഉദ്യോഗസ്ഥരാണ് പരിശോധനയിൽ പങ്കെടുത്തത്.