പാലിയേക്കര ടോൾ: ഇന്നു മുതൽ പുനരാരംഭിച്ചേക്കും

പുതുക്കാട്: ഇടപ്പള്ളി- മണ്ണുത്തി ദേശീയപാതയിലെ ഗതാഗതക്കുരുക്കിനെ തുടർന്ന് ഒന്നര മാസമായി നിറുത്തി വച്ചിരുന്ന പാലിയേക്കരയിലെ ടോൾ പിരിവ് ഇന്നു മുതൽ വീണ്ടും ആരംഭിച്ചേക്കും. ടോൾ പിരിവുമായി ബന്ധപ്പെട്ട് ചില ഉപാധികൾ ഏർപ്പെടുത്തുമെന്നും ഇതിന്റെ അടിസ്ഥാനത്തിൽ തിങ്കളാഴ്ച മുതൽ ടോൾ പിരിക്കാൻ അനുമതി നൽകാമെന്നും കഴിഞ്ഞദിവസം ഹൈക്കോടതി വ്യക്തമാക്കിയിരുന്നു.

പുതുക്കിയ ടോൾ ആയിരിക്കുമോ ഈടാക്കുക എന്നത് ഹൈക്കോടതിയുടെ ഉത്തരവിനു ശേഷമേ വ്യക്തമാകൂ. പാലിയേക്കരയിൽ ടോൾ നിരക്ക് പരിഷ്‌കരിച്ചത് സംബന്ധിച്ച രേഖകൾ ഹാജരാക്കാനും കോടതി നിർദ്ദേശിച്ചിരുന്നു. കരാർ കമ്പനി ടോൾ ബൂത്തുകളിലും പരിസര പ്രദേശങ്ങളിലും ശുചീകരണ പ്രവൃത്തികൾ നടത്തി.