ഓപ്പൺ യൂണി.: അക്കാഡമിക് കൗൺസിലർ പാനലിലേക്ക് അപേക്ഷിക്കാം

കൊല്ലം: ശ്രീനാരായണഗുരു ഓപ്പൺ യൂണിവേഴ്സിറ്റിയുടെ വിവിധ വിഷയങ്ങളുടെ അക്കാഡമിക് പാനൽ വിപുലീകരിക്കുന്നു. അടുത്തമാസം 4വരെ അപേക്ഷിക്കാം. ഇംഗ്ലീഷ്,മലയാളം,ഹിന്ദി,അറബിക്,സംസ്‌കൃതം,ഹിസ്റ്ററി,ഫിലോസഫി,സോഷ്യോളജി,ഇക്കണോമിക്സ്, അഫ്സൽ ഉൽ ഉലമ,കൊമേഴ്സ്,മാനേജ്മെന്റ്,കമ്പ്യൂട്ടർ സയൻസ് /ആപ്ലിക്കേഷൻ,സൈക്കോളജി,പൊളിറ്റിക്കൽ സയൻസ്,പബ്ലിക് അഡ്മിനിസ്ട്രേഷൻ,എൺവയോൺമെന്റൽ സയൻസ്,ജേർണലിസം,ലൈബ്രറി സയൻസ്,എം.എസ്.ഡബ്ല്യു,മൾട്ടി മീഡിയ,ഡേറ്റ സയൻസ് ആൻഡ് അനലിറ്റിക്‌സ്, ബി.സി.എ,എം.സി.എ, ബി.എഡ് കോഴ്സുകൾ തുടങ്ങിയ വിഷയങ്ങൾക്കാണ് അപേക്ഷക്ഷണിച്ചത്. കോളേജ് /യൂണിവേഴ്സിറ്റി സർവീസിലുള്ളവർക്കും വിരമിച്ചവർക്കും യു.ജി.സി നിഷ്കർഷിക്കുന്ന അദ്ധ്യാപക യോഗ്യതയുള്ളവർക്കും അപേക്ഷിക്കാം.
ബി.എസ്‌സി ഡാറ്റാ സയൻസ്, ബി.സി.എ,എം.സി.എ പ്രോഗ്രാമുകൾക്ക് അക്കാഡമിക് കൗൺസിലർമാരാകാൻ വേണ്ട യോഗ്യത: എം.സി.എ/എം.എസ്.സി.കമ്പ്യൂട്ടർ സയൻസ് /അനുബന്ധ വിഷയങ്ങളിൽ നെറ്റ് യോഗ്യതയോ പി.എച്ച്.ഡി/ കമ്പ്യൂട്ടർ സയൻസിലോ അനുബന്ധ വിഷയങ്ങളിലോ എം.ടെക്ക്. (വിശദമായ നോട്ടിഫിക്കേഷൻ www.sgou.ac.inൽ ലഭ്യമാണ്) നിലവിൽ യൂണിവേഴ്സിറ്റി,ഗവ. -എയ്ഡഡ് കോളേജുകൾ എന്നിവിടങ്ങളിൽ ജോലി ചെയ്യുന്ന അദ്ധ്യാപകർക്കും അപേക്ഷിക്കാം. അവധി ദിവസങ്ങളിലാണ് കൗൺസലിംഗ് സെഷനുകൾ നടക്കുന്നത്. യൂണിവേഴ്സിറ്റി നിശ്ചയിച്ചിട്ടുള്ള നിരക്കിൽ മണിക്കൂർ അടിസ്ഥാനത്തിലാണ് വേതനം. https://content.sgou.ac.in/rp/public/ ലിങ്ക് വഴി അപേക്ഷിക്കാം. വിവരങ്ങൾക്ക് www.sgou.ac.in വെബ്സൈറ്റ് സന്ദർശിക്കുക. ഫോൺ: 9497363445.

സപ്ലിമെന്ററി/ഇംപ്രൂവ്മെന്റ് പരീക്ഷാ ഫലം

ഓപ്പൺ യൂണിവേഴ്സിറ്റിയുടെ രണ്ടാം ബാച്ച് ഒന്നാം സെമസ്റ്റർ പി.ജി സോഷ്യോളജി ആൻഡ് ഹിസ്റ്ററി (സപ്ലിമെന്ററി/ഇംപ്രൂവ്മെന്റ്) പരീക്ഷാ ഫലം പ്രസിദ്ധീകരിച്ചു. വിവിധ ലേണർ സപ്പോർട്ട് സെന്ററുകളുടെ ക്രമത്തിൽ www.sgou.ac.in വെബ്സൈറ്റിൽ ലഭിക്കും അസൈൻമെന്റുകൾ സമർപ്പിച്ചിട്ടില്ലാത്ത പഠിതാക്കളുടെ പരീക്ഷാഫലം പ്രസിദ്ധീകരിച്ചിട്ടില്ല. കോഴ്സുകൾ തിരിച്ചുള്ള മാർക്കുകൾ വെബ്സൈറ്റിൽ ലഭിക്കും. സെമസ്റ്റർ ഗ്രേഡ് കാർഡുകൾ പഠിതാക്കളുടെ ലോഗിനിൽ നിന്ന് ഡൗൺലോഡ് ചെയ്യാം.