ലണ്ടനിൽ ഓണം  ആഘോഷങ്ങൾ സംഘടിപ്പിച്ച് ഹിന്ദു ഐക്യവേദിയും മോഹൻജി ഫൗണ്ടേഷനും

ലണ്ടൻ: ലണ്ടനിൽ ഒരു ഗുരുവായൂരപ്പ ക്ഷേത്രം എന്ന സാക്ഷാത്കാരത്തിനായി പ്രവർത്തിക്കുന്ന ഹിന്ദു ഐക്യവേദിയും മോഹൻജി ഫൗണ്ടേഷനും ചേർന്ന് ഓണം ആഘോഷങ്ങൾ സംഘടിപ്പിച്ചു. 2025 സെപ്തംബർ 27-ാം തീയതി ശനിയാഴ്ച വൈകുന്നേരം 5:30 മുതൽ ലണ്ടനിലെ തൊണ്ടോൻ ഹീത്തിലുള്ള വെസ്റ്റ് തൊണ്ടോൻ കമ്മ്യൂണിറ്റി സെന്ററിൽ വച്ചാണ് ഓണം ആഘോഷങ്ങൾ നടത്തിയത്. ക്രോയ്ഡൺ മേയർ ജയ്സൺ പെറി വിശിഷ്ടാതിഥി ആയി.

ഓണാഘോഷത്തോടെനുബന്ധിച്ചു മാവേലി എഴുന്നള്ളത്ത്, ദീപം തെളിയിക്കൽ, ഓണപ്പാട്ട് (LHA ടീം), ഓണപ്പാട്ട് (നിവേദിത), നൃത്തം (LHA കുട്ടികൾ), കൈകൊട്ടിക്കളി (LHA പെൺകുട്ടികൾ), ഓണപ്പാട്ട് (റാഗി സ്വിന്റൺ), നൃത്തം (സംഗീത ഓക്സ്ഫോർഡ്), തിരുവാതിര (LHA ടീം), നൃത്തശിൽപ്പം (ആശാ ഉണ്ണിത്താൻ,) കഥകളി (വിനീത് പിള്ള), ഇലഞ്ഞിതറ മേളം (വിനോദ് നവധാര), ദീപാരാധന, ഓണസദ്യ എന്നിവ നടത്തപ്പെട്ടു. ലണ്ടന്റെ വിവിധ ഭാഗങ്ങളിൽ നിന്നുള്ള ഒട്ടനവധി ആളുകൾ ഓണാഘോഷ പരിപാടികളിൽ പങ്കെടുത്തു.