ദയാവധം നിയമവിധേയമാക്കി യുറുഗ്വായ്

മോണ്ടിവിഡീയോ: ദയാവധം നിയമവിധേയമാക്കി തെക്കേ അമേരിക്കൻ രാജ്യമായ യുറുഗ്വായ്‌. സെനറ്റിൽ നടന്ന വോട്ടെടുപ്പിൽ 31 അംഗങ്ങളിൽ 20 പേരും നിയമത്തെ അനുകൂലിച്ചു. ഇതോടെ, ദയാവധം അനുവദിക്കുന്ന ബിൽ പാസാക്കിയ ആദ്യ ലാറ്റിൻ അമേരിക്കൻ രാജ്യമായി യുറുഗ്വായ്‌ മാറി.

ബിൽ പ്രകാരം,​ കഠിന വേദനയോടെ ജീവിക്കുന്ന,​ ചികിത്സിച്ച് ഭേദമാക്കാൻ കഴിയാത്ത ഒരു രോഗത്തിന്റെ ഗുരുതര ഘട്ടത്തിലുള്ളവർക്ക് വൈദ്യ സഹായത്തോടെ ദയാവധം അനുവദിക്കും. 18 വയസിന് മുകളിലുള്ള പൗരന്മാർ ആയിരിക്കണം. ഇവർ മാനസികാരോഗ്യ പ്രശ്നങ്ങൾ നേരിടുന്നവർ ആകരുത്.