കൊച്ചിയിൽ മത്സ്യബന്ധനത്തിന് പോയ അഞ്ചുപേരെ കാണാതായി,​ വള്ളത്തിൽ ഉണ്ടായിരുന്നത് ചെല്ലാനം സ്വദേശികൾ

കൊച്ചി: കൊച്ചി ചെല്ലാനത്ത് നിന്ന് മത്സ്യബന്ധനത്തിന് പോയ അഞ്ചു പേരെ കടലിൽ കാണാതായി. KL03 4798 എന്ന നമ്പരിലുള്ള ഇമ്മാനുവൽ എന്ന ഒറ്റ എൻജിൻ വള്ളത്തിൽ പോയവരെയാണ് കാണാതായത്. ചെല്ലാനം കണ്ടക്കടവ് സ്വദേശികളാണ് വള്ളത്തിൽ ഉണ്ടായിരുന്നത്. ഇന്ന് പുലർച്ചെ നാലുമണിക്കാണ് ഇവർ കടലിലേക്ക് പോയത്. രാവിലെ 9 മണിയോടെ മടങ്ങി വരേണ്ടതായിരുന്നു. സെബിൻ,​ പാഞ്ചി,​ കുഞ്ഞുമോൻ. പ്രിൻസ്,​ ആന്റപ്പൻ എന്നിവരെയാണ് കാണാതായത്. കാണാതായവർക്കായി കോസ്റ്റ്ഗാർഡും നേവിയും അടക്കം തെരച്ചിൽ തുടങ്ങി.