ബിജെപി നേതാവിനെ ട്രെയിൻ  തട്ടി മരിച്ച നിലയിൽ കണ്ടെത്തി

പയ്യന്നൂർ: കണ്ണൂർ പയ്യന്നൂരിൽ ബിജെപി നേതാവിനെ ട്രെയിൻ തട്ടി മരിച്ച നിലയിൽ കണ്ടെത്തി. അരവഞ്ചാലിൽ പനയന്തട്ട തമ്പാൻ (57) ആണ് മരിച്ചത്. ബിജെപി സംസ്ഥാന കൗൺസിൽ അംഗവും അരവഞ്ചാലിലെ വ്യാപാരിയുമാണ് തമ്പാൻ.

ഇന്ന് രാവിലെ പയ്യന്നൂരിലെ മേൽപ്പാലത്തിന് സമീപത്തെ റെയിൽവേ ട്രാക്കിലാണ് മൃതദേഹം കണ്ടെത്തിയത്. തവിടിശേരി സ്വദേശിയായിരുന്ന തമ്പാൻ അരവഞ്ചാലിലേക്ക് താമസം മാറിയിട്ട് കുറച്ചുനാളുകളെ ആയിരുന്നുള്ളു. പൊലീസെത്തി മൃതദേഹം ആശുപത്രിയിലെക്ക് മാറ്റി. ഭാര്യ ശ്യാമള, മക്കൾ ശ്വേത, കൃഷ്ണ, മൃദുൽ ലാൽ.