അനുനയ നീക്കങ്ങളിൽ അയയാതെ ജി.സുധാകരൻ

ആലപ്പുഴ : നാലര വർഷത്തിനുശേഷം സർക്കാർ പരിപാടിയിലേക്ക് ക്ഷണിച്ചെങ്കിലും പങ്കെടുക്കാതെ ജി.സുധാകരൻ. തോട്ടപ്പള്ളിയിൽ ഇന്നലെ മുഖ്യമന്ത്രി നിർവഹിച്ച നാലുചിറപ്പാലത്തിന്റെ ഉദ്ഘാടനത്തിലേക്കാണ് സുധാകരനെയും ക്ഷണിച്ചിരുന്നത്. പുന്നപ്ര - വയലാർ വാർഷിക വാരാചരണത്തിന്റെ ഭാഗമായി ഇന്നലെ രാവിലെ വയലാറിലേക്കുള്ള ദീപശിഖ വലിയ ചുടുകാട്ടിൽ കൊളുത്തി കൈമാറിയ ജി.സുധാകരൻ വയലാർ വരെ ദീപശിഖാ റിലേയെ അനുഗമിച്ചു. 11.30നാണ് നാലുചി​റ പാലം ഉദ്ഘാടനം നി​ശ്ചയി​ച്ചി​രുന്നതെങ്കി​ലും വൈകി​യാണ് മുഖ്യമന്ത്രി​യെത്തി​യത്.

പാലത്തി​ന്റെ ഉദ്ഘാടനത്തി​ന്റെ ക്ഷണക്കത്തുമായി എച്ച്.സലാം ഞായറാഴ്ച വൈകിട്ട് ജി.സുധാകരന്റെ വീട്ടിലെത്തിയിരുന്നു. സുധാകരൻ ഇല്ലാതിരുന്നതിനാൽ ക്ഷണക്കത്ത് വീട്ടിൽ ഏൽപ്പിച്ച് മടങ്ങി. പൊതുമരാമത്ത് വകുപ്പ് ഉദ്ഘാടന നോട്ടീസിൽ ജി.സുധാകരന്റെ ഫോട്ടോ ഉൾപ്പെടുത്തിയിരുന്നു. എന്നാൽ സി.പി.എം തോട്ടപ്പള്ളി ലോക്കൽ കമ്മിറ്റി പുറത്തിറക്കിയ നോട്ടീസിൽ നിന്ന് അദ്ദേഹത്തെ ഒഴിവാക്കി.