പാലോട് പടക്കക്കടയ്ക്ക് തീപിടിച്ചു; മൂന്നുപേർക്ക് പരിക്ക്,​ ഒരാളുടെ നില ഗുരുതരം

തിരുവനന്തപുരം: പാലോട് പടക്കക്കടയ്ക്ക് തീപിടിച്ചു. പേരയം താളിക്കുന്നിൽ പ്രവർത്തിക്കുന്ന പടക്കനിർമ്മാണശാലയ്ക്കാണ് തീപിടിച്ചത്. മൂന്നു തൊഴിലാളികൾക്ക് പരിക്കേറ്റു. പരിക്കേറ്റ ഇവരെ മെഡിക്കൽ കോളേജ് ആശുപത്രിയിലേക്ക് മാറ്റി.

ഷീജ,​ ജയ,​ ​ മഞ്ജു എന്നിവരാണ് അപകടസമയം ഇവിടെ ഉണ്ടായിരുന്നത്. ഇതിൽ ഷീജയുടെ നില ഗുരുതരമാണ്. ഇന്ന് രാവിലെ 9.30നാണ് അപകടം ഉണ്ടായത്. ഓലപ്പടക്കത്തിന് തിരി കെട്ടുന്ന സമയത്ത് തീപ്പൊരിഉണ്ടായതാണ് അപകടത്തിന് കാരണമെന്നാണ് വിവരം. അനിൽകുമാർ എന്ന ആളുടെ പടക്കനിർമ്മാണശാലയാണിത്.