ശ്രീപദ്മനാഭസ്വാമി ക്ഷേത്രത്തിൽ മുറജപത്തിന് ഇന്ന് തുടക്കം മന്ത്രജപങ്ങളുടെ ധന്യതയിൽ മുറജപത്തിന്റെ പുണ്യകാലം

അനന്തപദ്മനാഭന്റെ മണ്ണിൽ ഇനി മുറജപത്തിന്റെ അമ്പത്തിയാറ് പവിത്രദിനങ്ങൾ. ഐതിഹ്യവും ചരിത്രവും വിശ്വാസവും ആത്മസമർപ്പണവുമെല്ലാം ചേർന്ന്,​ ദേശത്തിനു മീതെ വിശുദ്ധിയുടെയും അനുഗ്രഹത്തിന്റെയും കാറ്റ് പടർത്തുന്ന മുറജപത്തിന് തിരുവിതാംകൂറിന്റെ രാഷ്ട്രീയചരിത്രത്തിലും ഇടമുണ്ട്. രാജ്യത്തെ പദ്മനാഭസ്വാമിക്കു സമർപ്പിച്ച് വിനീതദാസനായി പ്രജാക്ഷേമം നിർവഹിച്ച അനിഴം തിരുനാൾ മാർത്താണ്ഡവർമ്മ മഹാരാജാവാണ് ഇവിടെ മുറജപത്തിന് തുടക്കം കുറിച്ചത്. മന്ത്രാക്ഷരങ്ങളിലൊന്നു പോലും പിഴയ്ക്കാതെ ഉരുവിടേണ്ട മുറജപം ആറുവർഷത്തിലൊരിക്കലാണ്. ഇന്ന് ആരംഭിക്കുന്ന മുറജപം അവസാനിക്കുന്നത് 56 ദിവസം കഴിഞ്ഞുള്ള മകരസംക്രമ ദിനത്തിൽ (2026 ജനുവരി 14)​

മുറതെറ്റാതെ

മന്ത്രജപം

ആ​ദ്യവ​സാ​നം ക്ര​മ​മാ​യി വേ​ദ​ജ​പം ന​ട​ത്തു​ന്ന​താ​ണ് മു​റ​ജ​പം. ഒ​രു​വ​ട്ടം അ​ല്ലെ​ങ്കിൽ ഒ​രു​മു​റ എ​ട്ടു ദി​വ​സ​ങ്ങൾ​കൊ​ണ്ട് പൂർ​ത്തി​യാ​ക്കു​ന്നു. അ​ങ്ങ​നെ ഏ​ഴു ​മു​റ​യാ​ണ് ഇ​വി​ടെ ജ​പി​ക്കു​ന്ന​ത്. വേ​ദ​ജ്ഞർ ഹൃ​ദി​സ്ഥ​മാ​ക്കി​യി​ട്ടു​ള്ള വേ​ദം ഒ​ര​ക്ഷ​രം പോ​ലും വി​ട്ടു​ക​ള​യാ​തെ ഏ​ഴുവ​ട്ടം ജ​പി​ച്ചു തീർ​ക്കു​ന്നു. ഓ​രോ മു​റ ക​ഴി​യു​ന്ന ദി​വ​സം മു​റ​ശ്ശീ​വേ​ലി​യു​ണ്ട്.

മു​റ​ജ​പ​ത്തിൽ വേ​ദ​ങ്ങൾ കൂ​ടാ​തെ മ​ന്ത്ര​ജ​പ​വും സ​ഹ​സ്ര​നാ​മ​വും ജ​പി​ക്കു​ന്നു. ഇ​വ ശ്രീ​പ​ദ്​മ​നാ​ഭ​സ്വാ​മി ക്ഷേ​ത്ര​ത്തി​ലെ നാ​ല​മ്പ​ല​ത്തി​ന്റെ കി​ഴ​ക്കു​വ​ശ​ത്തെ വാ​തിൽ​മാ​ട​ങ്ങ​ളി​ലും, പ​ടി​ഞ്ഞാ​റു​ഭാ​ഗ​ത്തു​ള്ള നീ​ണ്ട വേ​ദി​ക​യി​ലും, വേ​ദ​വ്യാ​സ​രു​ടെ ശ്രീ​കോ​വി​ലി​നു മു​ന്നി​ലും, അ​ല​ങ്കാ​ര ​മ​ണ്​ഡ​പ​ത്തി​ലും വൈ​ദി​ക​ന്മാർ ഉ​പ​വി​ഷ്​ട​രാ​യാണ് ജ​പി​ക്കു​ന്ന​ത്. രാ​വി​ലെ ആ​റു​ മു​തൽ പ​ത്തു മ​ണി ​വ​രെ​യാ​യി​രി​ക്കും ഈ ജ​പ​ങ്ങൾ. സ​ന്ധ്യാ​വേ​ള​യിൽ പ​ത്മ​തീർ​ത്ഥ​ത്തി​ലി​റ​ങ്ങി ഋ​ഗ്വേ​ദ​ത്തി​ലെ ഒ​രു ഋ​ക്ക് 108 ത​വ​ണ ഉ​രു​വി​ടു​ന്ന ജ​ല​ജ​പ​വും ന​ടക്കും.

ബ്ര​ഹ്മാ​ണ്​ഡ​പു​രാ​ണ​ത്തിൽ ഭ​ദ്ര​ദീ​പ​ത്തെ​ക്കു​റി​ച്ച് പ​രാ​മർ​ശ​മു​ണ്ട്. മ​ഹാ​വി​ഷ്​ണു​വി​ന്റെ അ​വ​താ​ര​മാ​യ ശ്രീ​വ​രാ​ഹ​മൂർ​ത്തി, ഭൂ​മി​ദേ​വി​ക്കും; ഭൂ​മി​ദേ​വി പ്ര​ഹ്ലാ​ദ​നും; പ്ര​ഹ്ലാ​ദൻ മ​ഹാ​ബ​ലി​ക്കും ഭ​ദ്ര​ദീ​പ​ത്തെ​ക്കു​റി​ച്ച് ഉ​പ​ദേ​ശി​ച്ചു. കീർ​ത്തി​യും ഐ​ശ്വ​ര്യ​വും കൈ​വ​രി​ക്കു​വാ​നാ​യി മ​ഹാ​ബ​ലി ഭ​ദ്ര​ദീ​പം നിർ​വ​ഹി​ച്ച​താ​യി പ​റ​യ​പ്പെ​ടു​ന്നു. ഹേ​ഹേ​യ​ രാ​ജാ​വാ​യ കാർ​ത്ത്യ​വീ​ര്യാർ​ജ്ജു​നൻ ഭ​ദ്ര​ദീ​പ​ പ്ര​തി​ഷ്ഠ ന​ട​ത്തി​യ​താ​യും പു​രാ​ണ​ങ്ങ​ളി​ലു​ണ്ട്.

ക​ള​ഭം, ഭ​ദ്ര​ദീ​പം,

മു​റ​ജ​പം, ല​ക്ഷ​ദീ​പം

ശ്രീ​പ​ദ്​മ​നാ​ഭ​സ്വാ​മി ക്ഷേ​ത്ര​ത്തിൽ മാ​ത്ര​മാ​ണ് ക​ള​ഭം, ഭ​ദ്ര​ദീ​പം, പെ​രു​ന്തി​രു അ​മൃ​ത​പൂ​ജ, മു​റ​ജ​പം, ല​ക്ഷ​ദീ​പം എ​ന്നി​വ ന​ട​ത്തി​വ​രു​ന്ന​ത്. മ​ക​ര​ സം​ക്ര​മ ദി​ന​ത്തി​ലും കർ​ക്ക​ട​ക സം​ക്ര​മ ​ദി​ന​ത്തി​ലും കാ​ലം​കൂ​ടു​ന്ന രീ​തി​യി​ലാ​ണ് ആ​റു ദി​വ​സ​ത്തെ ക​ള​ഭം നിർ​വ​ഹി​ക്കു​ന്ന​ത്. കൊല്ല വർഷം 802-ലെ (1627) മ​തി​ല​കം രേ​ഖ​കൾ പ്ര​കാ​രം 15 ദി​വ​സ​ത്തെ ക​ള​ഭ​വും പെ​രു​ന്തി​രു അ​മൃ​ത പൂ​ജ​യും ശ്രീ​പ​ദ്​മ​നാ​ഭ​സ്വാ​മി ക്ഷേ​ത്ര​ത്തിൽ ന​ട​ന്നി​രു​ന്നു. അ​നി​ഴം തി​രു​നാൾ മാർ​ത്താ​ണ്​ഡ​വർ​മ മ​ഹാ​രാ​ജാ​വാ​ണ് കൊല്ല വർഷം 919 (1744) കർ​ക്ക​ട​ക സം​ക്ര​മ​ദി​ന​ത്തിൽ ഭ​ദ്ര​ദീ​പം തു​ട​ ങ്ങി​വ​ച്ച​ത്.

ഇ​തി​നു മു​ന്നാ​ടി​യാ​യി ആ​റു ദി​വ​സ​ത്തെ ക​ള​ഭ​വും ഭ​ദ്ര​ദീ​പ​ പ്ര​തി​ഷ്ഠ​യ്​ക്കു ശേ​ഷം ഏ​താ​നും ദി​ന​ങ്ങൾ​ക്ക​കം പെ​രു​ന്തി​രു അ​മൃ​ത പൂ​ജ​യും നിർ​വ​ഹി​ച്ചു. 12-ാ​മ​ത്തെ ഭ​ദ്ര​ദീ​പ​മാ​ണ് ല​ക്ഷ​ദീ​പ​മാ​യി അ​ദ്ദേ​ഹം ആ​ഘോ​ഷി​​ച്ച​ത്. ആ​ദ്യ​ത്തെ ല​ക്ഷ​ദീ​പം കൊല്ല വർഷം 925 മ​ക​രം ഒ​ന്നി​നാ​യി​രു​ന്നു (1750 ജ​നു​വ​രി). അ​ജ്ഞാ​നം, അ​ധർ​മ്മം, ഈ​തി​ബാ​ധ​കൾ എ​ന്നി​വ അ​ക​റ്റി, ജ്ഞാ​ന​വും ധർ​മ്മ​വും സ​മൃ​ദ്ധി​യും ആർ​ജ്ജി​ക്കു​വാൻ വേ​ണ്ടി​യു​ള്ള വൈ​ദി​ക​-​താ​ന്ത്രി​ക അ​നു​ഷ്ഠാ​ന​മാ​ണ് ഭ​ദ്ര​ദീ​പം. രാ​ജ്യ​ക്ഷേ​മ​ത്തി​നാ​യി അ​ഞ്ചു ദീ​പ​ങ്ങൾ വ​ച്ച് 11 ഭ​ദ്ര​ദീ​പ​വും 12 ദീ​പ​ങ്ങൾ തെ​ളി​ച്ച് 12-ാ​മ​ത്തെ ഭ​ദ്ര​ദീ​പ​വും​- അ​താ​യ​ത് ല​ക്ഷ​ദീ​പ​വും ആ​ച​രി​ച്ചു.

ല​ക്ഷ​ദീ​പ​ത്തോ​ട​നു​ബ​ന്ധി​ച്ചു​ള്ള മാർ​ക​ഴി (ധ​നു) ക​ള​ഭ​ത്തി​ന്റെ ദൈർ​ഘ്യം 19 ദി​വ​സ​മാ​ണ്. ക​ള​ഭം തു​ട​ങ്ങി ര​ണ്ടാം ദി​വ​സം മു​ള​യി​ട്ട് ആ​ചാ​ര്യ​വ​ര​ണ ന​ട​ത്തി​യി​രു​ന്നു. ശ്രീ​പ​ദ്​മ​നാ​ഭ​ സ്വാ​മി ക്ഷേ​ത്ര​ത്തി​ന്റെ യ​ജ​മാ​ന​നാ​യ വ​ലി​യ​ ത​മ്പു​രാൻ ക്ഷേ​ത്ര​ ത​ന്ത്രി ത​ര​ണ​ന​ല്ലൂർ ന​മ്പൂ​തി​രി​പ്പാ​ടി​നെ പ്ര​ധാ​നാ​ചാ​ര്യ​നാ​യും ഇ​രി​ങ്ങാ​ല​ക്കു​ട, ശു​ക​പു​രം, പെ​രു​വ​നം എ​ന്നീ ഗ്രാ​മ​ങ്ങ​ളി​ലെ വൈ​ദി​ക​ശ്രേ​ഷ്ഠ​രെ സ​ഹ ഋ​ത്വി​ക്കു​ക​ളാ​യും വ​രി​ച്ചി​രു​ന്ന ച​ട​ങ്ങാ​ണി​ത്. ആ​ദ്യ​ത്തെ മു​റ​ജ​പം ന​ട​ന്ന​ത് ശു​ചീ​ന്ദ്രം ക്ഷേ​ത്ര​ത്തി​ലാ​യി​രു​ന്നു. കൊല്ല വർഷം 925 ക​ന്നി മാ​സം 16 നു തു​ട​ങ്ങി വൃ​ശ്ചി​കം 19 (1749സെ​പ്​തം​ബ​ർ​ - ന​വം​ബർ) വ​രെ​യാ​യി​രു​ന്നു അ​ത്.

അ​തേ വർ​ഷം മ​ക​ര​സം​ക്ര​മ ദി​ന​ത്തിൽ കാ​ലം​കൂ​ട​ത്ത​ക്ക​വ​ണ്ണം 56 ദി​വ​സ​ത്തെ മു​റ​ജ​പം (1749 ന​വം​ബർ മു​തൽ 1750 ജ​നു​വ​രി വ​രെ​) ശ്രീ​പ​ദ്​മ​നാ​ഭ​ സ്വാ​മി ക്ഷേ​ത്ര​ത്തിൽ അ​നി​ഴം തി​രു​നാൾ തു​ട​ങ്ങി​വ​ച്ചു. (ശു​ചീ​ന്ദ്ര​ത്ത് പി​ന്നീ​ട് മു​റ​ജ​പം ന​ട​ന്നി​ട്ടി​ല്ല. അ​വി​ടെ ഭ​ദ്ര​ദീ​പ​പ്ര​തി​ ഷ്ഠ​യു​മി​ല്ല). കാർ​ത്തി​ക തി​രു​നാൾ രാ​മ​വർ​മ മ​ഹാ​രാ​ജാ​വ് കൊല്ല വർഷം 962 മേ​ടം 11 നു (1787) തു​ലാ​പു​രു​ഷ​ദാ​നം ചെ​യ്യു​ന്ന​തി​നു മു​മ്പ് 40 ദി​വ​സ​ത്തെ മു​റ​ജ​പം ശ്രീ​പ​ദ്​മ​നാ​ഭ​സ്വാ​മി ക്ഷേ​ത്ര​ത്തിൽ ന​ട​ത്തി. ഭ​ദ്ര​ദീ​പ​വും മു​റ​ജ​പ​വും ത​മ്മി​ലോ മു​റ​ജ​പ​വും ല​ക്ഷ​ദീ​പ​വും ത​മ്മി​ലോ ബ​ന്ധ​മി​ല്ല എ​ന്നാ​ണ് ഇത് സൂചിപ്പിക്കുന്നത്.

അമ്പലപ്പുഴയിൽ

നിന്ന് വന്നതല്ല

എ​ന്നാൽ, ആ​റു വർ​ഷം കൂ​ടു​മ്പോൾ മാ​ത്ര​മാ​ണ് ക​ള​ഭം, ഭ​ദ്ര​ദീ​പം, മു​റ​ജ​പം, ല​ക്ഷ​ദീ​പം എ​ന്നീ ക്ര​മ​ത്തിൽ ശ്രീ​പ​ദ്​മ​നാ​ഭ​സ്വാ​മി ക്ഷേ​ത്ര​ത്തിൽ നിർ​വ​ഹി​ച്ചു​വ​രു​ന്ന​ത്. അ​തു​പോ​ലെ, അ​മ്പ​ല​പ്പു​ഴ ശ്രീ​കൃ​ഷ്​ണ​സ്വാ​മി ക്ഷേ​ത്ര​ത്തി​ലാ​ണ് ഇ​ത് ന​ട​ന്നി​രു​ന്ന​തെ​ന്നും, അ​മ്പ​ല​പ്പു​ഴ പി​ടി​ച്ച​ട​ക്കി​യ മാർ​ത്താ​ണ്​ഡ​വർ​മ്മ, മു​റ​ജ​പം ശ്രീ​പ​ദ്​മ​നാ​ഭ​സ്വാ​മി ക്ഷേ​ത്ര​ത്തിൽ തു​ട​ങ്ങി​യെ​ന്നും പ​റ​യു​ന്ന​തും ശ​രി​യ​ല്ല. തി​രു​വ​ന​ന്ത​പു​ര​ത്ത് ആ​ദ്യ മു​റ​ജ​പം നിർ​വ​ഹി​ച്ച​ത് കൊല്ല വർഷം 925-​ലാ​ണ്. അ​മ്പ​ല​പ്പു​ഴ തി​രു​വി​താം​കൂ​റി​നോ​ടു ചേർ​ത്ത​താകട്ടെ, കൊല്ല വർഷം 929-​ലാണ്.

രാ​ജ​ഭ​ര​ണ​കാ​ല​ത്ത് ഏ​ക​ദേ​ശം 4000 ന​മ്പൂ​തി​രി​മാ​രും അ​വ​രു​ടെ സ​ഹാ​യി​ക​ളു​മാ​ണ് മുറജപത്തിനായി തി​രു​വ​ന​ന്ത​പു​ര​ത്ത് എ​ത്തി​യി​രു​ന്ന​ത്. യാ​ത്ര, താ​മ​സം, ഭ​ക്ഷ​ണം, ദ​ക്ഷി​ണ തു​ട​ങ്ങി എ​ല്ലാ ചെ​ല​വു​ക​ളും മ​ഹാ​രാ​ജാ​വ് ഏ​റ്റെ​ടു​ത്തി​രു​ന്നു. ന​മ്പൂ​തി​രി​മാ​രിൽ അ​ഗ്ര​ഗ​ണ്യ​നാ​യ ആ​ഴ്വാ​ഞ്ചേ​രി ത​മ്പ്രാ​ക്കൾ​ക്കാ​ണ് ആ​ദ്യ​ത്തെ നീ​ട്ട് അ​യ​ച്ചി​രു​ന്ന​ത്. പ​ന്തൽ, ചെ​റു​മു​ക്ക്, ക​പ്ലി​ങ്ങാ​ട്, പെ​രു​മ്പ​ട​പ്പ്, കൈ​മു​ക്ക്, തൈ​ക്കാ​ട് എ​ന്നീ ആ​റു വൈ​ദി​ക​ന്മാ​രും തെ​ക്കേ​ട​ത്ത് ഭ​ട്ട​തി​രി​യു​മാ​യി​രു​ന്നു മ​റ്റു പ്ര​ധാ​ന ക്ഷ​ണി​താ​ക്കൾ.

ല​ക്ഷ​ദീ​പം ദി​ന​ത്തിൽ ശ്രീ​പ​ദ്​മ​നാ​ഭ​സ്വാ​മി ക്ഷേ​ത്രം എ​ണ്ണ​വി​ള​ക്കു​ക​ളും വൈ​ദ്യു​തി ​വി​ള​ക്കു​ക​ളും കൊ​ണ്ട് അ​ലം​കൃ​ത​മാ​കും. രാ​ത്രി എ​ട്ട​ര​യ്​ക്കാ​ണ് മ​ക​ര​ശ്ശീ​വേ​ലി. അ​ന്ന് വ​ലി​യ​ത​മ്പു​രാൻ മൂ​ന്നു പ്ര​ദ​ക്ഷ​ണ​ത്തി​നും ഉ​ട​വാ​ളേ​ന്തി ദേ​വന്മാർക്ക് അ​ക​മ്പ​ടി​യേ​കും. അ​ലം​കൃ​ത​മാ​യ ഗ​രു​ഡ വാ​ഹ​ന​ങ്ങ​ളി​ലാ​ണ് ശ്രീ​പ​ദ്​മ​നാ​ഭ​ സ്വാ​മി​യു​ടെ​യും ശ്രീ​ന​ര​സിം​ഹ​ മൂർ​ത്തി​യു​ടെ​യും ശ്രീ​കൃ​ഷ്​ണ​ സ്വാ​മി​യു​ടെ​യും ഉ​ത്സ​വ​ വി​ഗ്ര​ഹ​ങ്ങൾ എ​ഴു​ന്ന​ള്ളി​ക്കു​ക. ആ​യി​ര​ക്ക​ണ​ക്കി​ന് ഭ​ക്തർ സ​ന്നി​ഹി​ത​രാ​യി​രി​ക്കും. ശ്രീ​പ​ദ്​മ​നാ​ഭ​സ്വാ​മി​യു​ടെ ചൈ​ത​ന്യം വർ​ദ്ധി​പ്പി​ക്കു​ന്ന​തി​നാ​ണ് ഭ​ദ്ര​ദീ​പ​വും മു​റ​ജ​പ​വും മ​ന്ത്ര​ജ​പ​വും ന​ട​ത്തു​ന്ന​ത്. ആ​ദ്യ​ത്തെ ല​ക്ഷ​ദീ​പ​ത്തി​നു ശേ​ഷം, അ​നി​ഴം തി​രു​നാൾ മാർ​ത്താ​ണ്​ഡ​വർ​മ്മ മ​ഹാ​രാ​ജാ​വ് 925 മ​ക​രം അഞ്ചിന് തി​രു​വി​താം​കൂർ രാ​ജ്യം ശ്രീ​പ​ദ്​മ​നാ​ഭ​സ്വാ​മി​ക്ക് സ​മർ​പ്പി​ച്ചു.