SignIn
Kerala Kaumudi Online
Monday, 01 December 2025 2.02 AM IST

  ഇടതു സർക്കാരിനെ തൂത്തെറിയാനുള്ള ആദ്യപടിയാണ് തദ്ദേശ സ്വയംഭരണ തിരഞ്ഞെടുപ്പ്.:കെ.സി.വേണുഗോപാൽ

Increase Font Size Decrease Font Size Print Page
udf
യു.ഡി.എഫിന്റെ മൂന്നാം ഘട്ട തിരഞ്ഞെടുപ്പു പ്രചരണത്തിന്റെ ജില്ലാതല ഉദ്ഘാടനം കരിമണ്ണൂരിൽ എ.ഐ.സി.സി ജനറൽ സെക്രട്ടറി കെ. സി. വേണുഗോപാൽ എം പി നിർവഹിക്കുന്നു

തൊടുപുഴ: പട്ടയം കിട്ടിയ ഭൂമിയിൽ എല്ലാ അനുമതിയും വാങ്ങി നിർമ്മിച്ച നിർമ്മിതികൾക്കു പിഴ ഈടാക്കി ക്രമവൽക്കരിക്കാനുള്ള സർക്കാർ നീക്കം ഇടുക്കി ജനതയോടുള്ള വെല്ലുവിളിയാണെന്നു എ.ഐ.സി.സി ജന. സെക്രട്ടറി
കെ.സി. വേണുഗോപാൽ എം. പി. യു.ഡി.എഫ് തിരഞ്ഞെടുപ്പു പ്രവർത്തനങ്ങളുടെ മൂന്നാംഘട്ടത്തിന്റെ
ജില്ലാതല ഉദ്ഘാടനം കരിമണ്ണൂരിൽ നിർവ്വഹിച്ചു സംസാരിക്കുകയായിരുന്നു അദ്ദേഹം. ഒൻപതര വർഷംഭരിച്ചു മുടിച്ച പിണറായി സർക്കാർ അവസാനകാലത്തു മലയോര ജനതയോടു കാട്ടിയ കൊടുംവഞ്ചനയും ചതിയുമാണ്. ഭഗവാന്റെ സ്വർണപ്പാളികൾ കട്ടതിന്റെ പേരിൽ ജയിലിൽ കിടക്കേണ്ട ഗതികേട് സി.പി.എം നേതാക്കൾക്കു മാത്രമാണുണ്ടായത്. കെടുകാര്യസ്ഥതയും അഴിമതിയും മുഖമുദ്ര യാക്കിയ ഇടതു സർക്കാരിനെ തൂത്തെറിയാനുള്ള ആദ്യപടിയാണ് തദ്ദേശ സ്വയംഭരണ തിരഞ്ഞെടുപ്പ്. രണ്ടു നഗരസഭയിലും ജില്ല പഞ്ചായത്തിലും എട്ടു ബ്ലോക്ക് പഞ്ചായത്തിലും മഹാഭൂരിപക്ഷം ഗ്രാമ പഞ്ചായത്തുകളിലും യു.ഡി.എഫ് അധികാരത്തിലെത്താനുള്ള സാഹചര്യമാണ് നിലവിലുള്ളതെന്നും കെ. സി. വേണുഗോപാൽ പറഞ്ഞു. ഡി.സി.സി പ്രസിഡന്റ് സി.പി. മാത്യു അദ്ധ്യക്ഷത വഹിച്ച യോഗത്തിൽപി.ജെ ജോസഫ് എം.എൽ.എ മുഖ്യപ്രഭാഷണം നടത്തി. ഡീൻ കുര്യാക്കോസ് എം. പി, കെ.പി.സി.സി വൈസ് പ്രസിഡന്റ് റോയ് കെ പൗലോസ്, ജനറൽ സെക്രട്ടറി അഡ്വ. എസ്.അശോകൻ, നേതാക്കളായ ജോയി തോമസ്, എം.ജെ. ജേക്കബ്, കെ.എം.എ.ഷുക്കൂർ, എം.എൻ. ഗോപി, തോമസ് രാജൻ, അപു ജോൺ ജോസഫ്, ജോയി തലയ്ക്കൽ, എം.ഡി. അർജുനൻ, ടി. ജെ. പീറ്റർ, ടി.കെ.നാസർ, ഷിബിലി സാഹിബ്,ജോസ് അഗസ്റ്റിൻ, ബ്ലെയ്സ് വാഴയിൽ, ടി.കെ. നവാസ്, പി.എൻ. സീതി,പോൾ കഴിപ്പള്ളി, മനോജ് തങ്കപ്പൻ, എ.കെ. സുഭാഷ്‌കുമാർ, ജോഷി എടാട്ട്, പി.യു. ഷാഹുൽ ഹമീദ്, ജിജോ ജോസഫ്,
കെ.എം.ഹംസ, എം.എച്ച്.സജീവ്, സെബാസ്റ്റ്യൻ മാത്യു, ജില്ലാ പഞ്ചായത്തു സ്ഥാനാർത്ഥികളായ മനോജ് കോക്കാട്, ഷൈനി റെജി തുടങ്ങിയവർ സംസാരിച്ചു. ഗ്രാമ - ബ്ലോക്ക് പഞ്ചായത്തുസ്ഥാനാർത്ഥികൾ തുടങ്ങിയവർ പങ്കെടുത്തു.

TAGS: LOCAL NEWS, IDUKKI
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
KERALA KAUMUDI EPAPER
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.