കലോത്സവത്തിനൊപ്പം സ്പെഷ്യൽ സ്കൂൾ മേള പരിഗണിക്കും: മന്ത്രി

തിരൂർ: അടുത്ത വർഷം മുതൽ സംസ്ഥാന സ്കൂൾ കലാമേളയുടെ കൂടെ സ്പെഷ്യൽ സ്കൂൾ കലാമേളയും നടത്തുന്നത് പരിഗണിക്കുമെന്ന് മന്ത്രി വി. ശിവൻകുട്ടി പറഞ്ഞു. തിരൂരിൽ സംസ്ഥാന സ്പെഷ്യൽ സ്കൂൾ കലോത്സവ വേദി സന്ദർശിച്ച ശേഷം മാദ്ധ്യമപ്രവർത്തകരുമായി സംസാരിക്കുകയായിരുന്നു അദ്ദേഹം.

പീഡനക്കേസിൽ ഒളിവിൽ പോയ രാഹുൽ മാങ്കൂട്ടത്തിൽ കീഴടങ്ങം. മാന്യതയുണ്ടെങ്കിൽ എം.എൽ.എ സ്ഥാനം രാജി വയ്ക്കണം. ആർ.എസ്.എസിന്റെ നിർദ്ദേശ പ്രകാരമാണ് കേരള ഗവർണർ പ്രവർത്തിക്കുന്നത്. ഉന്നത വിദ്യാഭ്യാസ രംഗത്ത് ഒന്നാമതായ കേരളത്തെ തകർക്കാനാണ് ശ്രമം- അദ്ദേഹം പറഞ്ഞു.