20 രാജ്യങ്ങളിലെ പൗരന്മാർക്ക് യു.എസിൽ നിയന്ത്രണം

വാഷിംഗ്ടൺ: 20 രാജ്യങ്ങളിലെ പൗരന്മാർക്ക് കൂടി പ്രവേശന നിയന്ത്രണം ഏർപ്പെടുത്തി യു.എസ്. അഞ്ച് രാജ്യങ്ങൾക്ക് പൂർണമായും (ബുർകിനാ ഫാസോ, മാലി, നൈജർ, സൗത്ത് സുഡാൻ, സിറിയ) അംഗോള, ബെനിൻ, മലാവി, സാംബിയ തുടങ്ങി പതിനഞ്ച് രാജ്യങ്ങൾക്ക് ഭാഗികമായുമാണ് പ്രവേശന വിലക്ക്. ജനുവരി 1 മുതൽ ഉത്തരവ് പ്രാബല്യത്തിൽ വരും. നിലവിലെ വിസാ ഉടമകളെ ബാധിക്കില്ല. അതേ സമയം, ഡൊണാൾഡ് ട്രംപ് ഭരണകൂടം പ്രവേശന നിയന്ത്രണം ഏർപ്പെടുത്തിയ രാജ്യങ്ങളുടെ എണ്ണം ഇതോടെ 39 ആയി ഉയർന്നു. അഫ്ഗാനിസ്ഥാൻ,​ മ്യാൻമർ,​ ബുറുൻഡി,​ ചാഡ്,​ വെനസ്വേല,​ യെമൻ തുടങ്ങിയ രാജ്യങ്ങളിലെ പൗരന്മാർക്ക് നേരത്തെ പൂർണമായോ ഭാഗികമായോ യാത്രാവിലക്ക് ഏർപ്പെടുത്തിയിരുന്നു. പാലസ്തീൻ അതോറിറ്റി സമർപ്പിച്ച പ്രവേശന അപേക്ഷകൾ പരിഗണിക്കുന്നതും യു.എസ് നിറുത്തിവച്ചു.