ചിട്ടിയിലൂടെയോ വസ്‌തു‌ഭാഗം‌ വഴിയോ പണം ധാരാളം കൈയിലെത്തും, ജോലിസ്ഥലത്ത് ശ്രദ്ധിക്കപ്പെടുന്ന സമയം

റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇ-മെയിൽ: samkhiyarathnam@gmail.com

2025 ഡിസംബർ 20 1198 ധനു 5 ശനിയാഴ്ച. (ദിനം പൂർണ്ണമായും മൂലം നക്ഷത്രം)

അശ്വതി: പൊതുവെ സാമ്പത്തിക പ്രതിസന്ധി നേരിടും. പലവിധ തടസങ്ങളും പ്രശ്‌നങ്ങളും ഉണ്ടാകാനിടയുണ്ട്. ദാമ്പത്യ വിഷമതകൾ, കുടുംബ സുഖക്കുറവ്.

ഭരണി: മനസിനെ വിഷമിപ്പിക്കുന്ന കാര്യങ്ങൾ ഉണ്ടാകാനിടയുണ്ട്. സഹോദരസ്ഥാനീയർക്ക് ശാരീരിക അസുഖങ്ങൾ അനുഭവപ്പെടും. ധനനഷ്ടം ഉണ്ടാകും, ആഡംബര വസ്തുക്കൾക്കായി പണം ചെലവഴിക്കും.

കാർത്തിക: കാർഷിക രംഗം, വ്യാപാര മേഖല എന്നിവയൊക്കെ വേണ്ട രീതിയിൽ ലാഭം നൽകിയെന്ന് വരില്ല. ബുദ്ധിമുട്ടുകൾ, സഹോദരർ മുഖേന മനഃക്ലേശം.

രോഹിണി: കൂട്ടുകെട്ടുകൾ മൂലം പല വിഷമതകളും ഉണ്ടാകും. തൊഴിൽ രംഗത്ത് തടസ്സങ്ങളുണ്ടാകും. വൃഥാ ആരോപണങ്ങൾ, ദാമ്പത്യ ജീവിതത്തിൽ ഭിന്നതകൾ.

മകയിരം: ശത്രുക്കൾ വർദ്ധിക്കാൻ സാദ്ധ്യതയുള്ളതിനാൽ എല്ലാവരോടും നയപരമായി പെരുമാറണം. മനഃപ്രയാസമുണ്ടാക്കുന്ന കാര്യങ്ങൾ, അവിചാരിത തടസങ്ങൾ.

തിരുവാതിര: അന്യരിൽ നിന്ന് ആദരവ് നേടും. മനസിനിണങ്ങിയ ജീവിതപങ്കാളിയെ കണ്ടെത്തുന്നതിൽ വിജയിക്കും. അനുകൂലമായ സ്ഥലമാറ്റം, പല രീതിയിലും ഉയർച്ചയുണ്ടാകും.

പുണർതം: വിദ്യാഭ്യാസകാര്യത്തിൽ പുരോഗതി ദൃശ്യമാകും. വിവാഹാദി മംഗളകർമ്മങ്ങളിൽ പങ്കെടുക്കും. വാക്‌സാമർത്ഥ്യം പ്രകടമാക്കും, മെച്ചപ്പെട്ട അവസരം ലഭിക്കും.

പൂയം: വിദേശ യാത്രയ്ക്ക് ശ്രമിക്കുന്നവർക്ക് അനുകൂലമായ വാർത്ത ലഭിക്കും. കലാകാരന്മാർക്ക് കൂടുതൽ അവസരങ്ങൾ ലഭിക്കും.
തൊഴിലിൽ പുരോഗതി വന്നുചേരും, ജീവിതപങ്കാളിക്ക് ജോലിയിൽ ഉയർച്ച.

ആയില്യം: പൊതുവെ സന്തോഷവും സമാധാനപരവുമായി സമയം ചെലവിടും. കച്ചവടക്കാർക്ക് ദിവസം അനുകൂലമാണ്. കുടുംബത്തിൽ ഐശ്വര്യം വർദ്ധിക്കും, കർമ്മരംഗത്ത് പുരോഗതി.

മകം: വസ്തുസംബന്ധമായ ക്രയവിക്രയങ്ങൾ നടത്തുന്നതിനെ കുറിച്ച് ആലോചിക്കും. തൊഴിൽപരമായി അനുകൂലസമയം, പലവിധത്തിൽ സാമ്പത്തിക നേട്ടം.

പൂരം: കുടുംബാംഗങ്ങളുടെ ഇഷ്ടത്തിനനുസരിച്ച് പ്രവർത്തിക്കും. സാമ്പത്തിക നേട്ടം പ്രതീക്ഷിക്കാം. ബന്ധുക്കൾ ഒരുമിക്കും, മാനസിക സംതൃപ്തി ലഭിക്കും.

ഉത്രം: മുൻകോപം കാരണം‌ പലരുടെയും വെറുപ്പ് സമ്പാദിക്കും. ഗൃഹാന്തരീക്ഷം അസംതൃപ്തം ആയിരിക്കും. കർമ്മരംഗത്ത് ശത്രുക്കളുടെ ഉപദ്രവം, ദമ്പതികൾക്കിടയിൽ അഭിപ്രായ വ്യത്യാസം.

അത്തം: മുൻകോപം നിയന്ത്രിക്കണം. സംസാരത്തിൽ മിതത്വം പാലിക്കണം. വാഹനസംബന്ധമായി ചെലവുകൾ വർധിക്കും. സഹപ്രവർത്തകർ ചതിക്കാൻ സാദ്ധ്യത, പൊതുജനങ്ങളുമായി കലഹിക്കും.

ചിത്തിര: രാഷ്ട്രീയ പ്രവർത്തകർക്ക് പ്രതിയോഗികൾ വർദ്ധിക്കും. അധിക ചെലവുകൾ നിയന്ത്രിക്കാൻ കഠിനമായി പരിശ്രമിക്കേണ്ടി വരും.
പലവിധ പ്രശ്നങ്ങളുണ്ടാകും, കർമമേഖലയിൽ അശ്രദ്ധ.

ചോതി: സാമ്പത്തിക സ്ഥിതി അത്ര മെച്ചമായിരിക്കില്ല. ആരോഗ്യപരമായി ബുദ്ധിമുട്ടുകൾ ഉണ്ടാകും. മാനസിക സംഘർഷം വർദ്ധിക്കും, ജാമ്യം നിൽക്കരുത്.

വിശാഖം: കടബാദ്ധ്യതകൾ വർധിക്കും. ഔഷധ സേവയോ ആശുപത്രി വാസമോ വേണ്ടി വരും. സ്ത്രീകളുമായി കലഹം, ധനമിടപാടുകളിൽ ജാഗ്രത പാലിക്കണം.

അനിഴം: സുഹൃത്തുക്കളിൽ നിന്ന് മനസിനെ വിഷമിപ്പിക്കുന്ന കാര്യങ്ങൾ ഉണ്ടാകാനിടയുണ്ട്. വിലപിടിപ്പുള്ള ഗൃഹോപകരണങ്ങൾക്കായി പണം ചെലവഴിക്കും. ജനപ്രീതിയും പ്രശംസയും നേടും, ദിനചര്യയിൽ പലമാറ്റവും ഉണ്ടാകും.

കേട്ട: കാർഷികാദായം വർദ്ധിക്കും. എന്നിരുന്നാലും കച്ചവടത്തിൽ നിന്ന് വേണ്ട വിധം നേട്ടം ഉണ്ടായേക്കില്ല. സാമ്പത്തിക നേട്ടം, പ്രയാസമെന്നു തോന്നുന്നവ ലളിതമായി പരിഹരിക്കും.

മൂലം: കലാപ്രവർത്തനങ്ങളോട് ആഭിമുഖ്യം കൂടും. സുഹൃദ്സഹായം കൊണ്ട് മനസ്സിന് ആശ്വാസം ഉണ്ടാകും. വിദ്യാർത്ഥികൾ അദ്ധ്യാപകരുടെ പ്രശംസ പിടിച്ചുപറ്റും. ഗുണകരമായ വിവാഹാലോചനകൾ വരും.

പൂരാടം: പുതിയ ഗൃഹത്തിലേക്ക് മാറിത്താമസിക്കാൻ ഉദ്ദേശിക്കുന്നവർക്ക് അനുകൂല സമയം. വിദ്യാർത്ഥികൾക്ക് നൃത്തസംഗീതാദി കലകളിൽ താല്പര്യം വർദ്ധിക്കും. ദൂരയാത്രകളിൽ കൂടി നേട്ടം.

ഉത്രാടം: ജോലിക്കായി ശ്രമിക്കുന്നവർക്ക് ഇന്റർവ്യൂവിൽ പങ്കെടുക്കാനുള്ള അറിയിപ്പ് ലഭിക്കും. സന്താനങ്ങളുടെ ആരോഗ്യ കാര്യങ്ങൾക്കായി പണം ചെലവഴിക്കും. സന്താനങ്ങൾ മുഖേന സന്തോഷം, തൊഴിൽ ലബ്ധി.

തിരുവോണം: അസാധാരണ വാക്‌സാമർത്ഥ്യം പ്രകടമാക്കും. മനസ്സിൽ ആഗ്രഹിക്കുന്ന കാര്യങ്ങൾ ഭംഗിയായി നിറവേറും. കഠിന പരിശ്രമത്തിലൂടെ സാമ്പത്തികനേട്ടം ഉണ്ടാകും. പ്രതിബന്ധങ്ങളെ അതിജീവിക്കും, ലക്ഷ്യങ്ങൾ നേടിയെടുക്കും.

അവിട്ടം: സാമ്പത്തികമായി നിലനിന്നിരുന്ന പ്രതിസന്ധി തരണം ചെയ്യാൻ സാധിക്കും. പുതിയ ജീവിത മാർഗ്ഗങ്ങൾ കണ്ടെത്തും, വസ്ത്രാഭരണാദികൾ സമ്മാനമായി ലഭിക്കും. ഭൂമിയുടെ ക്രയവിക്രയങ്ങൾക്ക് ശ്രമിക്കുന്നവർക്ക് അനുകൂല സമയം.

ചതയം: എൻജിനീയറിംഗ് മേഖലയിൽ പ്രവർത്തിക്കുന്നവർക്ക് വിദേശയാത്രയ്ക്കുള്ള അവസരം ലഭിക്കും. തടസപ്പെട്ടു കിടന്നിരുന്ന പല കാര്യങ്ങൾക്കും നീക്കുപോക്കുണ്ടാകും. കാര്യങ്ങൾ ഉദ്ദേശിച്ച തരത്തിൽ മുന്നോട്ടു നീക്കും, ആത്മവിശ്വാസം വർദ്ധിക്കും.

പൂരുരുട്ടാതി: ഏറെ നാളായി ശ്രമിച്ചിരുന്ന സ്ഥലംമാറ്റത്തിന് ഉത്തരവ് ലഭിക്കും. കലാരംഗത്ത് പ്രവർത്തിക്കുന്നവർക്ക് പുതിയ അവസരങ്ങൾ ലഭിക്കും. ബന്ധുക്കൾ സഹായിക്കും, അംഗീകാരവും പ്രശസ്തിയും.

ഉത്തൃട്ടാതി: കലാരംഗത്ത് പ്രവർത്തിക്കുന്നവർക്ക് പ്രശസ്തി വർദ്ധിക്കും. സാമൂഹിക സാഹിത്യ രംഗത്തുള്ളവർക്ക് അംഗീകാരം ലഭിക്കും. വിദേശയാത്രയ്ക്കുള്ള അവസരം, ബുദ്ധിമുട്ടുകൾക്ക് ആശ്വാസം.

രേവതി: വിശേഷ വസ്ത്രാഭരണാദികൾ സമ്മാനമായി ലഭിക്കും. ധാരാളം ചെറുയാത്രകൾ ആവശ്യമായി വരും. ആഘോഷ വേളകളിൽ പങ്കെടുക്കും. ചതിയിൽ നിന്നും അത്ഭുതകരമായി രക്ഷപ്പെടും, സ്വന്തം പ്രയത്നത്തിലൂടെ ഉയർച്ചയും പുരോഗതിയും.