ബാങ്ക് അക്കൗണ്ടുകളിലെ ഇക്കാര്യം മറക്കേണ്ട; മുന്നറിയിപ്പുമായി ആര്‍ബിഐ

ന്യൂഡല്‍ഹി: രാജ്യത്തെ പൗരന്‍മാര്‍ക്ക് സുപ്രധാന അറിയിപ്പ് നല്‍കുകയാണ് റിസര്‍വ് ബാങ്ക് ഓഫ് ഇന്ത്യ. ഇന്ത്യയില്‍ നിരവധി അക്കൗണ്ടുകളില്‍ പണം ഉള്ള കാര്യം ഉടമസ്ഥര്‍ മറന്ന് പോകുകയും അത് ക്ലെയിം ചെയ്യാതിരിക്കുകയും ചെയ്യുന്നതിന്റെ കണക്ക് അടുത്തിടെ പുറത്ത് വിന്നിരുന്നു. ഈ പണം കൃത്യമായി ഉടമയ്‌ക്കോ അല്ലെങ്കില്‍ അവകാശികള്‍ക്കോ തിരികെ കിട്ടുന്നതിന് വേണ്ടിയുള്ള ക്യാമ്പയിന്‍ നടത്തുകയാണ് ആര്‍ബിഐ. ഒക്ടോബര്‍ മാസത്തിലാണ് ക്യാമ്പയിന്‍ ആരംഭിച്ചത്. സമൂഹമാദ്ധ്യമങ്ങളില്‍ ഉള്‍പ്പെടെ വലിയ പ്രചാരമാണ് ആര്‍ബിഐ നല്‍കുന്നത്.

സമൂഹമാദ്ധ്യമങ്ങളില്‍ ഉള്‍പ്പെടെ ആര്‍ബിഐ നല്‍കുന്ന സന്ദേശം ചുവടെ

നിങ്ങളുടെ പഴയ ബാങ്ക് അക്കൗണ്ടുകളില്‍ പണം ഉള്ള കാര്യം നിങ്ങള്‍ മറന്നു പോയോ

അത് വീണ്ടെടുക്കാന്‍ ആര്‍ ബി ഐ നിങ്ങളെ സഹായിക്കും!

നിങ്ങളുടെയോ നിങ്ങളുടെ കുടുംബത്തിന്റെയോ അക്കൗണ്ട് 10 വര്‍ഷത്തില്‍ കൂടുതലായി പ്രവര്‍ത്തനരഹിതമാണെങ്കില്‍, ആ ഫണ്ട് ആര്‍ ബി ഐയുടെ നിക്ഷേപക വിദ്യാഭ്യാസ ബോധവല്‍ക്കരണ (DEA) ഫണ്ടില്‍ ആയിരിക്കാം - പക്ഷെ നിങ്ങള്‍ക്ക് അത് ഇപ്പോഴും ക്ലെയിം ചെയ്യാവുന്നതാണ്.

ക്ലെയിം ചെയ്യാത്ത നിക്ഷേപങ്ങള്‍ പരിശോധിക്കുക: https://udgam.rbi.org.in

നിങ്ങളുടെ ബാങ്കിന്റെ ഏതെങ്കിലും ശാഖ സന്ദര്‍ശിക്കുക

കെ വൈ സി സമര്‍പ്പിക്കുക (ആധാര്‍, പാസ്പോര്‍ട്ട്, വോട്ടര്‍ ഐഡി, അല്ലെങ്കില്‍ ഡ്രൈവിങ്ങ് ലൈസന്‍സ്)

നിങ്ങളുടെ പണം, പലിശ ഉണ്ടെങ്കില്‍ അതും സഹിതം കൈപ്പറ്റുക

ക്ലെയിം ചെയ്യാത്ത നിക്ഷേപങ്ങളെക്കുറിച്ചുള്ള പ്രത്യേക ക്യാമ്പുകള്‍: ഒക്ടോബര്‍-ഡിസംബര്‍ 2025