24ലക്ഷം വോട്ടർമാർ ഒഴിവാക്കപ്പെട്ടേക്കും

തിരുവനന്തപുരം:എസ്.ഐ.ആർ. തുടങ്ങിയശേഷം ഇതുവരെ സംസ്ഥാനത്ത് 44,46,107 ഫോമുകൾ ലഭിച്ചതായി മുഖ്യ തിരഞ്ഞെടുപ്പ് ഓഫീസർ ഡോ. രത്തൻ യു കേൽക്കർ അറിയിച്ചു.ഇതിൽ 24,30,478 വോട്ടർപട്ടികയിൽ നിന്ന് ഒഴിവാക്കുന്നതിനുള്ള ഫോം 7 ആണ്.പേരുൾപ്പെടുത്താൻ സംസ്ഥാനത്തുനിന്ന് 13,70,003 അപേക്ഷകളും പ്രവാസികളുടെ 2 ,21,491 അപേക്ഷകളും കിട്ടി.തിരുത്തലിനായി 4,23,145 അപേക്ഷകളും കിട്ടിയിട്ടുണ്ട്. ഇന്നുവരെ സംസ്ഥാനത്തൊട്ടാകെ 12,462 പേർ കരട്പട്ടികയിൽ നിന്ന് പുറത്തായിട്ടുണ്ട്. മരണപ്പെട്ടവർ, വിദേശ പൗരത്വം സ്വീകരിച്ചവർ, താമസം മാറിയവർ തുടങ്ങിയ കാരണങ്ങളാൽ, ഹിയറിംഗ് വേളയിൽ കരട്പട്ടികയിൽ നിന്ന് ഒഴിവാക്കപ്പെട്ടവരുടെ കണക്കാണിതെന്നും ഹിയറിംഗ് തുടരുന്നതിനാൽ ഈ കണക്കിൽ വ്യത്യാസം വരുമെന്നും ഹിയറിംഗ് വേളയിൽ അനർഹരായി കണ്ടെത്തുന്നവർ ഇനിയും കരട് പട്ടികയിൽ നിന്ന് പുറത്താവുമെന്നും അദ്ദേഹം അറിയിച്ചു.