അണ്ണാ ഡി.എം.കെ പ്രകടന പത്രിക പുറത്തിറക്കി, വിലക്കയറ്റം നേരിടാൻ 1000 രൂപ, പ്രതിവർഷം 3 ഫ്രീ എൽ.പി.ജി സിലിണ്ട‌ർ, വാഗ്ദാനങ്ങൾ 297

ചെന്നൈ: അണ്ണാ ഡി.എം.കെയുടെ പ്രകടനപത്രിക പാർട്ടി ജനറൽ സെക്രട്ടറി എടപ്പാടി കെ പളനിസ്വാമി ഇന്നലെ പുറത്തിറക്കി. സാധനങ്ങളുടെ വിലക്കയറ്റവും നേരിടാൻ ഒരു കുടുംബത്തിന് 10,000 രൂപ വീതം നൽകും. സമൂഹത്തിനുള്ളിൽ സാമ്പത്തിക സന്തുലിതാവസ്ഥ വളർത്തിയെടുക്കുന്നതിന്, 'കുല വിളക്ക് പദ്ധതിയിലൂടെ എല്ലാ റേഷൻ കാർഡ് ഉടമകൾക്കും 2,000 രൂപ പ്രതിമാസ സഹായ അലവൻസ് നൽകുംഈ തുക ഗൃഹനാഥയുടെ ബാങ്ക് അക്കൗണ്ടിലേക്ക് നേരിട്ട് നിക്ഷേപിക്കും. റേഷൻ കാർഡ് ഉടമകൾക്ക് അരിക്കൊപ്പം പയറും പാചക എണ്ണയും സൗജന്യമായി ലഭിക്കും. സ്ത്രീകൾക്ക് പുറമേ പുരുഷന്മാർക്കും സൗജന്യ ബസ് യാത്രാ പദ്ധതി വ്യാപിപ്പിക്കുമെന്നും പാർട്ടി വാഗ്ദാനം ചെയ്തിട്ടുണ്ട്. ഓരോ റേഷൻ കാർഡ് ഉടമയ്ക്കും പ്രതിവർഷം മൂന്ന് സൗജന്യ പാചക വാതക സിലിണ്ടറുകൾ നൽകുമെന്ന് പ്രകടന പത്രികയിൽ പറയുന്നു.
ആകെ 297 തിരഞ്ഞെടുപ്പ് വാഗ്ദാനങ്ങളാണുള്ളത്. അധികാരത്തിൽ വന്നാൽ മദ്യനിരോധനം ഘട്ടംഘട്ടമായി നടപ്പിലാക്കുമെന്നും ഉണ്ട്.

മറ്റ് ചില വാഗ്ദനങ്ങൾ

ക്ഷേമപെൻഷൻ

2000 രൂപ

മുതിർന്ന പൗരന്മാർക്ക് ക്ഷേമപെൻഷൻ 2000 രൂപയായി വർദ്ധിപ്പിക്കും.

റേഷൻ കാർഡ് ഉടമകൾക്ക് ഒരു കിലോ പയർവർഗ്ഗങ്ങളും സൗജന്യമായി നൽകും

വിദ്യാർത്ഥികൾ ബാങ്കുകളിൽ നിന്ന് എടുത്ത വിദ്യാഭ്യാസ വായ്പകൾ റദ്ദാക്കാൻ നടപടി

 5 ലക്ഷം സ്ത്രീകൾക്ക് ഇരുചക്ര വാഹനങ്ങൾ വാങ്ങാൻ 25,000 രൂപ സബ്സിഡി നൽകും.

കച്ചത്തീവ് പുനഃസ്ഥാപിക്കാൻ കൃത്യമായ നടപടി

 തെരുവ് നായ്ക്കൾ മൂലമുണ്ടാകുന്ന പ്രശ്നങ്ങൾക്ക് പരിഹാരം;

 നെയ്ത്തുകാർക്കായി നെയ്ത്ത് മില്ലുകളുമായി ബന്ധപ്പെട്ട ഗ്രീൻ ഹൗസുകൾ

നെയ്ത്തുകാർക്കുള്ള ഇൻഷുറൻസ് പ്രീമിയം സർക്കാർ വഹിക്കും

 2,000 അമ്മ ക്ലിനിക്കുകൾ തുറക്കും

 മാദ്ധ്യമപ്രവർത്തകർക്കുള്ള പെൻഷൻ പദ്ധതിയിൽ നിന്നുള്ള വരുമാന പരിധി ഒഴിവാക്കും.

 തമിഴ്നാട്ടിലെ പ്രധാന നഗരങ്ങളിൽ വീടുകൾ നിർമ്മിക്കാൻ മാദ്ധ്യമപ്രവർത്തകർക്ക് താമസ പ്ലോട്ടുകൾ നൽകും.

 തൊഴിലിൽ തമിഴർക്ക് മുൻഗണന നൽകുന്നതിനുള്ള നിയമം

 മത്സ്യബന്ധന നിരോധന സമയത്ത് മത്സ്യത്തൊഴിലാളികൾക്കുള്ള ദുരിതാശ്വാസ സഹായം 12,000 രൂപയായി ഉയർത്തും

 ക്ഷേത്രങ്ങളിൽ അന്നദാന പദ്ധതി വിപുലീകരിക്കും

 ശ്മശാനങ്ങൾ സ്ഥാപിക്കുന്നതിനുള്ള സ്ഥലം

 ജാതി സെൻസസ് വേഗത്തിൽ നടപ്പിലാക്കാൻ ഞങ്ങൾ കേന്ദ്ര സർക്കാരിനോട് ആവശ്യപ്പെടും

 10 വർഷത്തിലേറെയായി ജോലി ചെയ്യുന്ന നഴ്സുമാർക്ക് സ്ഥിരം തൊഴിൽ

എംപ്ലോയ്‌മെന്റ് ഓഫീസുകളിൽ രജിസ്റ്റർ ചെയ്ത് കാത്തിരിക്കുന്ന ബിരുദധാരികൾക്ക് 2,000 രൂപ പ്രതിമാസ അലവൻസ്

ജല്ലിക്കട്ടിൽ മരിക്കുന്നവരുടെ കുടുംബങ്ങൾക്ക് 10 ലക്ഷം രൂപ. പരിക്കേറ്റാൽ 2 ലക്ഷം രൂപ. ജല്ലിക്കട്ടിന് സർക്കാർ 5 ലക്ഷം രൂപ നൽകും

 എല്ലാ കോർപ്പറേഷനുകളിലും റിംഗ് റോഡുകൾ നിർമ്മിക്കും