യുഎസ് സഹായിക്കില്ല,​ എണ്ണ വേണ്ട രാജ്യങ്ങൾ ഹോർമുസ് പിടിച്ചെടുത്ത് സ്വന്തമാക്കണമെന്ന് ട്രംപ്

വാഷിംഗ്ടൺ: ഇറാനുമായുള്ള യുദ്ധത്തിൽ സഹായിക്കാൻ വിസമ്മതിച്ച യു,​കെ അടക്കമുള്ള രാജ്യങ്ങൾക്ക് മുന്നറിയിപ്പുമായി യു.എസ് പ്രസിഡന്റ് ഡൊണാൾഡ് ട്രംപ്. ഹോർമുസ് കടലിടുക്ക് അടച്ചതിനെ തുടർന്ന് ഇന്ധന പ്രതിസന്ധി നേരിടുന്ന രാജ്യങ്ങൾ എണ്ണ ലഭ്യത ഉറപ്പുവരുത്താൻ ഹോർമുസ് പിടിച്ചെടുക്കണമെന്ന് ട്രംപ് ആവശ്യപ്പെട്ടു. ഒന്നുകിൽ നിങ്ങൾ യു.എസിൽ നിന്ന് ഇന്ധനം വാങ്ങുക,​ അല്ലെങ്കിൽ വൈകിയെങ്കിലും നിങ്ങൾ കുറച്ച് ധൈര്യം സംഭരിച്ച് ഹോർമുസ് പിടിച്ചെടുക്കണമെന്ന് ട്രംപ് ട്രൂത്ത് സോഷ്യലിൽ കുറിച്ചു. നിങ്ങൾ സ്വയം പോരാടാൻ പഠിക്കേണ്ടതുണ്ട്. നിങ്ങളിത് വരെ ഞങ്ങളെ സഹായിക്കാൻ വരാത്തത് പോലെ,​ നിങ്ങളെ സഹായിക്കാൻ ഇനി യു,​എസ് ഉണ്ടാവില്ല . ഇറാൻ ഏറെക്കുറെ നശിപ്പിക്കപ്പെട്ടിരിക്കുന്നു. പ്രയാസമേറിയ ഭാഗം കഴിഞ്ഞു. നിങ്ങളുടെ എണ്ണ സ്വയം നേടുക എന്നും ട്രംപ് കൂട്ടിച്ചേർത്തു.

ലോകത്തിലെ എണ്ണ - പാചകവാതകര ആവശ്യകതയുടെ 20 ശതമാനം കടന്നുപോകുന്ന പ്രധാന ജലപാത ഫെബ്രുവരി 28ന് ഇറാനെതിരെ നടത്തിയ യു.എസ് ഇസ്രയേൽ സംയുക്താക്രമണങ്ങഴെയും ഇറാന്റെ ആക്രമണങ്ങളെയും തുടർന്ന് തടസപ്പെട്ടിരിക്കുകയാണ്.