6 ലിറ്റർ വിദേശ മദ്യവുമായി അറസ്റ്റിൽ

നേമം: ഡ്രൈ ഡേയിൽ വീട്ടിൽ വിദേശമദ്യം വിറ്റയാളെ പൊലീസ് പിടികൂടി. പാപ്പനംകോട് എസ്റ്റേറ്റ് റോഡിൽ സ്റ്റേഡിയത്തിന് സമീപം താമസിക്കുന്ന ചന്ദ്രനാണ് (66) നേമം പൊലീസിന്റെ പിടിയിലായത്. ഇയാളുടെ വീട്ടിൽ പതിവായി മദ്യവില്പന നടക്കുന്നതായി നാട്ടുകാരിൽ നിന്ന് ലഭിച്ച പരാതിയെത്തുടർന്ന് കുറച്ചുദിവസങ്ങളായി ഈ വീട് പൊലീസിന്റെ നിരീക്ഷണത്തിലായിരുന്നു.

തുടർന്ന് നടത്തിയ പരിശോധനയിൽ ഏഴ് ലിറ്റർ വിദേശമദ്യക്കുപ്പികൾ ഇയാളുടെ വീട്ടിൽ നിന്ന് കണ്ടെടുത്തു. നേമം എസ്.ഐ അനീഷ് കുമാർ,സിവിൽ പൊലീസ് ഓഫീസർ ബിനൂപ്,വനിതാ കോൺസ്റ്റബിൾമാരായ അജുഷ,അശ്വതി എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. പ്രതിയെ റിമാൻഡ് ചെയ്തു.