ആത്മവിശ്വാസം പകർന്ന് വി.ഇ. അബ്ദുൾ ഗഫൂർ

കളമശേരി: വോട്ടെടുപ്പിനു മണിക്കൂറുകൾ മാത്രം ശേഷിക്കെ യു.ഡി.എഫ് ക്യാമ്പുകളിൽ ആത്മവിശ്വാസം വർദ്ധിച്ചു. കളമശേരി മണ്ഡലം സ്ഥാനാർത്ഥി അഡ്വ. വി. ഇ അബ്ദുൽ ഗഫൂർ യു.ഡി.എഫ് നേതാക്കന്മാരെയും പൗരപ്രമുഖരെയും സന്ദർശിച്ചു. രാവിലെ കുസാറ്റ് കോളനിയിലെ ഭവനങ്ങളും കങ്ങരപ്പടിയിൽ വ്യാപാരശാലകളും റസ്റ്റോറന്റുകളും സന്ദർശിച്ചു. ടൗൺ ഹാളിന് സമീപത്തെ ബാവുകുഞ്ഞിന്റെ വീട്ടിലും എത്തി. സാനുമാഷിന്റെ മകൾ ഗീതയുടെ വീട് സ്ഥാനാർത്ഥി സന്ദർശിച്ചു. യു.ഡി.എഫ് പ്രവർത്തകർക്കൊപ്പം സ്ലിപ്പ് നൽകാനും ഇതിനിടയിൽ സമയം കണ്ടെത്തി. ഉച്ചയ്ക്കുശേഷം ക്രമീകരണങ്ങളും ബൂത്തുകളിലെ കാര്യങ്ങളും ചർച്ചചെയ്തു.