ടിവികെയുടെ പ്രകടനപത്രിക; ഒരു കുടുംബത്തിന് ആറ് സിലിണ്ടറുകൾ

 വീടുകൾക്ക് മുന്നിൽ വിസിൽ ചിഹ്നം കോലമിടണമെന്ന് വിജയ്

ചെന്നൈ: 60 വയസിനു താഴെയുള്ള സ്ത്രീകൾക്ക് പ്രതിമാസം 2500 രൂപ,​ ഒരു കുടുംബത്തിന് പ്രതിവർഷം ആറ് സൗജന്യ പാചക വാതക സിലിണ്ടറുകൾ,​ സാമ്പത്തിക ഭദ്രതയില്ലാത്ത കുടുംബത്തിലെ പെൺകുട്ടികൾക്ക് വിവാഹത്തിന് ഒരു പവൻ സ്വർണവും പട്ട് സാരിയും,​ ഒന്ന് മുതൽ പ്ലസ് ടു വരെയുള്ള വിദ്യാർത്ഥികളുടെ രക്ഷിതാക്കൾക്ക് പ്രതിവർഷം 15,000 രൂപ- തമിഴ്നാട്ടിൽ ടി.വി.കെ പ്രകടനപത്രികയിലെ പ്രഖ്യാപനങ്ങളിൽ ചിലതാണിവ.

വീടുകൾക്ക് മുമ്പിൽ വിസിൽ ചിഹ്നം കോലമായി വരച്ചിടണമെന്ന് വിജയ് ജനങ്ങളോട് അഭ്യർത്ഥിച്ചു. ഇത് തനിക്ക് ലഭിക്കുന്ന വലിയ ആദരവാകുമെന്നും പറഞ്ഞു.

ലഹരിമുക്ത

സംസ്ഥാനം

 സ്ത്രീകളുടെ സ്വയം സഹായ സംഘങ്ങൾക്ക് അഞ്ച് ലക്ഷം രൂപ പലിശ രഹിത വായ്പ

 വിദ്യാഭ്യാസത്തിന് 20 ലക്ഷം രൂപ വരെ ഈടില്ലാതെ വായ്പ

 തമിഴ്നാട്ടിനെ ലഹരിമുക്ത സംസ്ഥാനമാകും. ഓരോ സ്‌കൂളിലും ലഹരി വിരുദ്ധ സമിതികൾ

 ഒരു കുടുംബത്തിന് 25 ലക്ഷം വരെ ആരോഗ്യ ഇൻഷ്വറൻസ്

 ബിരുദം കഴിഞ്ഞ് ജോലിയില്ലാത്തവർക്ക് പ്രതിമാസം 4000 രൂപ

 സർക്കാർ സേവനങ്ങൾ വേഗം ജനങ്ങളിലെത്തിക്കാൻ പ്രത്യേക സമിതി

 ക്ഷേമ പെൻഷൻ 3000 രൂപയാക്കും

 എല്ലാ കുടുംബങ്ങൾക്കും പ്രതിമാസം 200 യൂണിറ്റ് സൗജന്യ വൈദ്യുതി നൽകും