പൊതുസ്ഥലങ്ങളിൽ തണ്ണീർ പന്തൽ

തിരുവനന്തപുരം: ചൂട് രൂക്ഷമാകുന്ന സാഹചര്യത്തിൽ മുഖ്യമന്ത്രി പിണറായി വിജയൻ ഉന്നതതല യോ​ഗം വിളിച്ച് പൊതുഇടങ്ങളിൽ തണ്ണീർ പന്തൽ ഉറപ്പാക്കാനുൾപ്പെടെ നിർദേശം നൽകി. മാർക്കറ്റുകൾ, മറ്റു പൊതുസ്ഥലങ്ങൾ എന്നിവിടങ്ങളിൽ താൽക്കാലിക പന്തൽ സ്ഥാപിക്കും. തണ്ണീർ പന്തലുകളിൽ കുടിവെള്ളം, സംഭാരം, തണ്ണിമത്തൻ തുടങ്ങിയവ സന്നദ്ധ സംഘടനകളുടെ പിന്തുണയോടെ ഉറപ്പാക്കണം.

 ട്രാഫിക് സിഗ്നൽ സമയദൈർഘ്യം കുറയ്ക്കാൻ പൊലീസിന്റെ നിർദ്ദേശത്തോടെ ജില്ലാ കളക്ടർമാർ നടപടി സ്വീകരിക്കണം

 മാർക്കറ്റുകൾ, ബസ് സ്റ്റാൻഡുകൾ എന്നിവിടങ്ങളിൽ കുടിവെള്ളം, ഒ.ആർ.എസ്, സൂര്യാഘാത പ്രഥമശുശ്രൂഷ സൗകര്യം ഒരുക്കും

 അങ്കണവാടികളിലും സ്കൂളുകളിലും കൂൾ റൂഫ് ഒരുക്കണം. തദ്ദേശ സ്ഥാപനങ്ങൾ ഹീറ്റ് ആക്ഷൻ പ്ലാൻ നടപ്പാക്കണം

 പൊതു പരിപാടികൾ, സെലക്ഷൻ ട്രയലുകൾ, പകൽപ്പൂരങ്ങൾ, കലാകായിക പരിപാടികൾ തുടങ്ങിയവക്ക് നിയന്ത്രണം

 വാട്ടർ അതോറിറ്റി കുടിവെള്ള ലഭ്യത ഉറപ്പാക്കണം

 തിരഞ്ഞെടുത്ത ആശുപത്രികളിൽ സ്ഥിരം ഹീറ്റ് ആൻഡ് ബേൺ ക്ലിനിക്ക്

 വൈദ്യുതി തടസ്സമില്ലാതെ ലഭ്യമാക്കാൻ കെ.എസ്.ഇ.ബി ശ്രമിക്കണം

 തദ്ദേശ സ്ഥാപനങ്ങളിൽ കാലാവസ്ഥാ നിരീക്ഷണ സംവിധാനം സ്ഥാപിക്കണം

 പാമ്പുകടി ഏറ്റാൽ സമയോചിത ചികിത്സ ആരോഗ്യവകുപ്പ് ഉറപ്പാക്കണം

 കൂടുതൽ ആരോഗ്യകേന്ദ്രങ്ങളിൽ ആന്റിവെനം ലഭ്യമാക്കണം