SignIn
Kerala Kaumudi Online
Monday, 16 December 2019 5.31 AM IST

ബംഗാളികൾ വീട്ടുപണിക്കെത്തിയ വീട്ടിൽ വൃദ്ധ ദമ്പതികൾ ക്രൂരമായി കൊല്ലപ്പെട്ട നിലയിൽ

murder-

​ചെങ്ങന്നൂർ: വീട്ടിൽ തനിച്ച് താമസിക്കുകയായിരുന്ന വൃദ്ധ ദമ്പതികളെ മൺവെട്ടിക്കും കമ്പിപ്പാരയ്ക്കും തലയ്ക്കടിച്ച് കൊലപ്പെടുത്തിയ നിലയിൽ. വെൺമണി കൊഴുവല്ലൂർ പാറച്ചന്ത ജംഗ്ഷന് സമീപം ആഞ്ഞിലിമൂട്ടിൽ കെ.പി.ചെറിയാൻ (കുഞ്ഞുമോൻ -75),​ ഭാര്യ ലില്ലി (70) എന്നിവരെയാണ് കൊല്ലപ്പെട്ട നിലയിൽ കണ്ടെത്തിയത്.

ഇന്ന് രാവിലെ ഏഴോടെ സുഹൃത്തും ബന്ധുവും നടത്തിയ പരിശോധനയിലാണ് കൊലപാതകം വെളിവാകുന്നത്. സ്ട്രോക്കിനെ തുടർന്ന് ഒരു വശം തളർന്നുപോയ കുഞ്ഞുമോൻ ഇതിൽ നിന്ന് മുക്തനായി രാവിലെ നടക്കാൻ പോകുന്ന ശീലമുണ്ടായിരുന്നു. ഇന്ന് രാവിലെ സുഹൃത്ത് എത്തിയപ്പോൾ കുഞ്ഞുമോനെ പുറത്ത് കണ്ടില്ല. തുടർന്ന് സമീപത്തെ ബന്ധുവായ

എം.എം.ചാണ്ടിയെ (കൊച്ചുബേബി) വിവരം അറിയിച്ചു. രാത്രി മുറ്റത്തെ ലൈറ്റിടാതിരുന്നത് ചാണ്ടിയും ശ്രദ്ധിച്ചിരുന്നു. ഇരുവരും ചേർന്ന് വീട്ടിലെത്തിയപ്പോൾ സിറ്റൗട്ടിൽ തലേന്ന് വൈകിട്ട് വച്ചിരുന്ന പാൽ അതുപോലെ ഇരിപ്പുണ്ടായിരുന്നു. പിൻഭാഗത്ത് എത്തിയപ്പോൾ അടുക്കളവാതിൽ തുറന്ന് കിടക്കുന്നത് ശ്രദ്ധിയിൽപ്പെട്ടു. അകത്ത് കയറിയപ്പോഴാണ് ലില്ലിയുടെ മൃതദേഹം ചോരയിൽ കുളിച്ച് കിടക്കുന്നത് കണ്ടത്. മൃതദേഹത്തിൽ മൺവെട്ടിയുടെ ഭാഗങ്ങളും ഉണ്ടായിരുന്നു. ഉടൻ വെൺമണി പൊലീസിൽ വിവരം അറിയിച്ചു. പൊലീസ് എത്തി നടത്തിയ പരിശോധനയിലാണ് കുഞ്ഞമോനെ പുറത്തെ സ്റ്റോർ റൂമിൽ കൊല്ലപ്പെട്ട നിലയിൽ കണ്ടത്തിയത്. കമ്പി വടിക്കാണ് തലയ്ക്ക് അടിയേറ്റിരിക്കുന്നത്.

പൊലീസ് സംഘവും വിരലടയാള വിദഗ്ദ്ധരും സ്ഥലത്തെത്തി പരിശോധന നടത്തിവരികയാണ്. എസ്.പി കെ.എം.ടോമി,​ ഡിവൈ.എസ്.പിമാരായ അനീഷ്.വി.കോര,​ ആർ.ബിനു,​ ചെങ്ങന്നൂർ സി.ഐ എം.ഷിബുലാൽ എന്നിവർ സംഭവ സ്ഥലത്ത് എത്തിയിട്ടുണ്ട്. വീട്ടിൽ നിന്ന് എന്തൊക്കെ നഷ്ടപ്പെട്ടെന്ന് തിട്ടപ്പെടുത്താനായിട്ടില്ല. ഇന്നലെ വീട്ടുപണികൾക്കായി ബംഗാളികൾ ഇവിടെ എത്തിയിരുന്നതായി അയൽവാസികൾ പറയുന്നു. വീടിന് പിൻഭാഗത്ത് ഇവരുടെ പണിസാധനങ്ങൾ സൂക്ഷിച്ച നിലയിലാണ്. പൊലീസ് ഇവരെ കേന്ദ്രീകരിച്ച് അന്വേഷണം ആരംഭിച്ചു. മക്കളെല്ലാവരും വിദേശത്താണ്. മക്കൾ: ബിഭു ചെറിയാൻ, ബിന്ദു, പരേതയായ ബീന. മരുമക്കൾ: ഷൈനി, രഞ്ജു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, BENGALI WORKER, CRIME, CASEDIARY, MURDER, POLICE INVESTIGATION
KERALA KAUMUDI EPAPER
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.